ᑲᓕᒐᑦᑎᒍ ᐃᑲᔪᑦᑕᐅᔪᒪᒍᑎᒥᒃ ᑐᔅᓯᕋᐅᑎ
ᐃᓕᑦᑎᒃᑲᓂᕈᓐᓇᑦᑐᑎᑦ
ᑭᓲᓐᒪᑖ ᒪᓕᒐᑦᑎᒍ ᐃᑲᔪᕈᑏᑦ?
ᐱᒍᓐᓇᑎᑕᐅᓂᐋᕈᕕᑦ ᒪᓕᒐᑦᑎᒍ ᐃᑲᔪᑦᑕᐅᒍᑎᒥᒃ, ᑎᑎᕋᔅᓯᒪᔪᓅᔅᓯᒋᐊᖃᑦᑐᑎᑦ ᑕᑕᑎᓪᓗᒋᑦ ᑐᔅᓯᕋᐅᑎᑦ ᐃᑲᔪᑦᑕᐅᓗᑎᑦ ᐃᖅᑲᑦᑐᐃᑯᒻᒥ ᐃᖅᑲᓇᐃᔭᑦᑎᒧᑦ ᖃᓂᒋᓛᓐᓂ ᐊᕕᑦᑐᔅᓯᒪᓂᒻᒥ ᑕᑯᔭᐅᕕᒻᒥ. ᐃᖅᑲᓇᐃᔭᑦᑎ ᐱᔭᐅᑎᑦᑎᖁᔨᓂᐋᒻᒪᑦ ᓇᓗᓇᐃᔭᔅᓯᒪᔪᓂᒃ ᑭᓱᓂᒃ ᐃᑲᔪᑦᑕᐅᒍᑎᖃᕈᒪᒻᒪᖔᑉᐱᑦ, ᐱᒍᒪᓂᐋᒻᒥᒻᒪᑕ ᒪᕐᕈᓂᒃ ᑭᓇᐅᒻᒪᖔᑉᐱᑦ ᓇᓗᓇᐃᕈᑏᓐᓂᒃ ᐊᒻᒪᓗ ᒪᕐᕉᓐᓂᒃ ᐊᑭᓕᑦᑕᐅᒍᑎᓐᓄᑦ ᓇᓕᖅᑳᓐᓂᒃ. ᑕᐃᒪᓕ ᐃᖅᑲᓇᐃᔭᖏᒃᑯᕕᑦ, ᐱᒍᒪᕕᐅᒍᓐᓇᑦᑐᑎᑦ ᓇᓗᓇᐃᔅᓯᒍᑏᓐᓂᒃ ᐃᓄᓕᕆᔨᒃᑯᑎᒍ ᐃᑲᔪᑦᑕᐅᒍᑏᓐᓂᒃ, ᑭᖑᓕᑉᐹᒍᓚᐅᑦᑐᒃ ᒪᕐᕉᓂ ᐊᕐᕌᒍᓂ ᑲᓇᑕᒥ ᑮᓐᓇᐅᔭᓕᐅᕈᑎᖃᓂᒻᒥ ᑭᒡᒐᑦᑐᐃᔨᒃᑯᓂᑦ ᑐᓴᑦᑎᑦᑎᒍᑎ ᖃᐅᔨᓴᑦᑕᐅᒍᑎᓂᒃ, ᐅᕝᕙᓘᓐᓃᑦ ᑭᓱᑐᐃᓐᓇᓂᒃ ᐊᓯᖏᓐᓂᒃ ᐱᔭᐅᑎᑦᑎᒍᑎᒋᒍᓐᓇᑦᑕᓂᒃ ᐃᕝᕕᑦ ᑮᓇᐅᔭᑎᒍ ᑮᓇᐅᔭᑦᑖᕈᑎᒋᒍᓐᓇᑦᑕᓐᓂᒃ.
ᑐᓂᔭᐅᓯᒪᓕᑐᐋᑉᐸᑕ ᑐᔅᓯᕋᐅᑎᑎᑦ ᕿᒥᕐᕈᔭᐅᖁᓪᓗᒋᑦ ᐃᓗᐋᓂ ᒥᔅᓵᓂ 8 ᐱᓇᓱᐋᕈᓯᓐᓂ, ᐱᑎᑕᐅᓂᐋᑦᑐᑎᑦ ᐃᕐᖐᓐᓇᑦᑕᕈᑎᒃᑯᑦ ᐅᕝᕙᓘᓐᓃᑦ ᑎᑎᖃᓂᒃ ᐊᖏᑦᑕᐅᒍᑎᓐᓂᒃ ᐅᕝᕙᓘᓐᓃᑦ ᐊᖏᑦᑕᐅᙱᒍᑎᒋᔭᓐᓂᒃ ᒪᓕᒐᑦᑎᒍ ᐃᑲᔪᑦᑕᐅᒍᑎᓂᒃ.
ᑕᐃᒪᓕ ᐊᖏᑦᑕᐅᓂᖏᒃᑯᕕᑦ ᒪᓕᒐᑦᑎᒍ ᐃᑲᔪᑦᑕᐅᒍᑎᓂ ᐊᖏᖃᑎᒋᖏᓪᓗᒋᓪᓗ ᑖᒃᑯᓂᖓ, ᐋᖅᑭᑦᑕᐅᑎᑦᑎᒐᓱᐋᕈᓐᓇᑦᑐᑎᑦ ᐃᓱᒪᓕᐅᕈᑎᒋᔭᐅᓯᒪᔪᒥᒃ ᐅᑯᓄᖓ ᒪᓕᒐᓕᕆᓂᕐᒧᑦ ᐱᓕᕆᕝᕕᑦ ᑲᑎᒪᔨᖏᓐᓄᑦ ᓄᓇᕗᑉ. ᓇᓂᒍᓐᓇᑦᑕᐃᑦ ᐊᑐᐊᒐᖅ ᐋᖅᑭᒋᐊᑦᑕᐅᖁᔨᓂᒻᒧᑦ ᒪᓕᒐᑦᑎᒍ ᐃᑲᔪᑦᑕᐅᒍᑎᑦ ᐊᖏᑦᑕᐅᖏᑦᑐᒥᓂᐅᑎᓪᓗᒋᑦ ᐅᕘᓇ.
ᐅᖃᓕᒫᕈᓐᓇᑦᑕᑎᑦ ᐊᑐᐋᒐᑉᐳᑦ ᐱᒍᓐᓇᑦᑎᑕᐅᔪᓄᑦ ᐃᓚᒌᓂ ᐱᖁᔭᒻᒧᑦ, ᐃᓅᖃᑎᒋᓄᑦ ᐱᖁᔭᒻᒧᑦ ᐊᒻᒪᓗ ᐱᕋᔭᔅᓯᒪᔪᓄᑦ ᐱᖁᔭᒻᒧᑦ ᐅᕘᓇ. ᐅᖃᓕᒫᕈᓐᓇᒥᔭᑎᑦᑕᐆᖅ ᐊᐱᖅᑯᑎᒋᔭᐅᒐᔪᑦᑐᖁᑎᕗᑦ ᐅᕘᓇ.
ᒪᓕᒐᑦᑎᒍ ᐃᑲᔪᑦᑕᐅᒍᑎ ᐱᔭᐅᑎᑕᐅᓲᖑᒻᒪᑦ ᐱᒍᓐᓇᑦᑎᑕᐅᔪᓄᑦ ᓄᓇᕗᒻᒥᐅᓄᑦ ᑐᙵᕕᖃᓪᓗᑎᒃ ᐃᓛᒌᑦ ᐅᓄᓐᓂᖏᓐᓂᒃ, ᑮᓇᐅᔭᑎᒍ ᐱᒍᓐᓇᑦᑎᑕᐅᓂᖏᓐᓂᒃ ᐊᒻᒪᓗ ᒪᓕᒐᑦᑎᒍ ᐊᑲᐅᙱᓕᐅᕈᑎᒧᑦ ᑐᔅᓯᕋᐅᑎᒋᔭᐅᔪᖅ.
ᑐᔅᓯᕋᐅᑎᓕᐅᓂᖅ ᒪᓕᒐᑦᑎᒍ ᐃᑲᔪᑦᑕᐅᒍᑎᒥᒃ
