ᐊᖓᔪᖅᑳᑲᕐᕕᒃ ᑎᑎᕋᕐᕕᒃ
ᖃᐅᔨᒋᐊᕐᕕᒋᓗᒍ ᑖᓐᓇ ᐃᓗᐊᖅᓴᖅᑕᐅᕝᕕᒃ
ᓄᓇᕗᑦ, X0B 1J0
ᐊᔾᔨᙳᐊᖅ ᐅᑯᓇᙶᖅᑐᖅ Travel Nunavut
ᐊᖓᔪᖅᑳᖃᕐᕕᒃᐳᑦ ᑎᑎᕋᕐᕕᒃᐳᑦ ᑲᔾᔮᕐᓇᖅᑐᒥ ᐅᖅᓱᖅᑑᒥ
The head office for the Legal Services Board of Nunavut is located in Gjoa Haven. As part of the decentralization, LSB’s operations are located across Nunavut, including in each regional clinic and in the headquarters.
ᖃᔅᓯᑲᓪᓚᖕᓂᒃ ᐃᖅᑲᓇᐃᔮᓂᒃ ᐱᑕᖃᖅᑐᒍᑦ ᐱᖃᓯᐅᑎᓪᓗᒍ ᐃᖅᑲᑦᑐᐃᕕᖕᒥ ᐃᑲᔪᖅᑎ ᕿᑎᕐᒥᐅᑦ ᒪᓕᒐᓕᕆᕕᖓᓐᓃᙶᖅᑐᖅ ᐱᔨᑦᑎᖃᑦᑕᕋᔭᖅᑐᖅ ᓄᓇᓕᖕᓂ.
ᐱᒋᐋᖃᑉᐲᑦ ᒪᓕᒐᑦᑎᒎ ᐃᑲᔪᑦᑕᐅᒍᑎᒥᒃ ᐃᑲᔪᑦᑕᐅᒍᑎᖃᕈᒪᓪᓗᑏᑦ?
ᒪᓕᒐᑦᑎᒍ ᐃᑲᔪᑦᑕᐅᒍᑎᒥᒃ ᑐᔅᓯᕋᑎᐅᑉ ᐱᓕᕆᐋᕆᔭᐅᓂᖓ
ᐱᒍᓐᓇᑎᑕᐅᓂᐋᕈᕕᑦ ᒪᓕᒐᑦᑎᒍ ᐃᑲᔪᑦᑕᐅᒍᑎᒥᒃ, ᑎᑎᕋᔅᓯᒪᔪᓅᔅᓯᒋᐊᖃᑦᑐᑎᑦ ᑕᑕᑎᓪᓗᒋᑦ ᑐᔅᓯᕋᐅᑎᑦ ᐃᑲᔪᑦᑕᐅᓗᑎᑦ ᐃᖅᑲᑦᑐᐃᑯᒻᒥ ᐃᖅᑲᓇᐃᔭᑦᑎᒧᑦ ᖃᓂᒋᓛᓐᓂ ᐊᕕᑦᑐᔅᓯᒪᓂᒻᒥ ᑕᑯᔭᐅᕕᒻᒥ. ᐃᖅᑲᓇᐃᔭᑦᑎ ᐱᔭᐅᑎᑦᑎᖁᔨᓂᐋᒻᒪᑦ ᓇᓗᓇᐃᔭᔅᓯᒪᔪᓂᒃ ᑭᓱᓂᒃ ᐃᑲᔪᑦᑕᐅᒍᑎᖃᕈᒪᒻᒪᖔᑉᐱᑦ, ᐱᒍᒪᓂᐋᒻᒥᒻᒪᑕ ᒪᕐᕈᓂᒃ ᑭᓇᐅᒻᒪᖔᑉᐱᑦ ᓇᓗᓇᐃᕈᑏᓐᓂᒃ ᐊᒻᒪᓗ ᒪᕐᕉᓐᓂᒃ ᐊᑭᓕᑦᑕᐅᒍᑎᓐᓄᑦ ᓇᓕᖅᑳᓐᓂᒃ. ᑕᐃᒪᓕ ᐃᖅᑲᓇᐃᔭᖏᒃᑯᕕᑦ, ᐱᒍᒪᕕᐅᒍᓐᓇᑦᑐᑎᑦ ᓇᓗᓇᐃᔅᓯᒍᑏᓐᓂᒃ ᐃᓄᓕᕆᔨᒃᑯᑎᒍ ᐃᑲᔪᑦᑕᐅᒍᑏᓐᓂᒃ, ᑭᖑᓕᑉᐹᒍᓚᐅᑦᑐᒃ ᒪᕐᕉᓂ ᐊᕐᕌᒍᓂ ᑲᓇᑕᒥ ᑮᓐᓇᐅᔭᓕᐅᕈᑎᖃᓂᒻᒥ ᑭᒡᒐᑦᑐᐃᔨᒃᑯᓂᑦ ᑐᓴᑦᑎᑦᑎᒍᑎ ᖃᐅᔨᓴᑦᑕᐅᒍᑎᓂᒃ, ᐅᕝᕙᓘᓐᓃᑦ ᑭᓱᑐᐃᓐᓇᓂᒃ ᐊᓯᖏᓐᓂᒃ ᐱᔭᐅᑎᑦᑎᒍᑎᒋᒍᓐᓇᑦᑕᓂᒃ ᐃᕝᕕᑦ ᑮᓇᐅᔭᑎᒍ ᑮᓇᐅᔭᑦᑖᕈᑎᒋᒍᓐᓇᑦᑕᓐᓂᒃ.
ᐊᐱᖅᑯᑕᐅᒐᔪᒃᑐᑦ
ᑭᓲᖕᒪᑦ ᒪᓕᒐᓕᕆᓂᕐᒧᑦ ᐃᑲᔫᑎ?
ᓄᓇᕗᒻᒥ ᒪᓕᒐᕐᓂᒃ ᑐᑭᓯᓂᐊᕐᕕᒃᑯᑦ (ᖃᐅᔨᒪᔭᐅᖕᒥᔪᖅ ᒪᓕᒐᕐᓂᒃ ᑐᑭᓯᓂᐊᕐᕕᒃᑯᑦ ᐱᔨᑦᑎᕋᖅᑏᑦ ᑲᑎᒪᔨᖏᑦ ᓄᓇᕗᒻᒥ "LSB") ᐱᑎᑦᑎᕙᒃᐳᑦ ᓴᐳᓐᓂᐊᖅᑎᓂᒃ ᓄᓇᕗᒻᒥᐅᓄᑦ ᒪᓕᒐᑎᒍᑦ ᐊᑲᐅᙱᓕᐅᕈᑎᖃᖅᑐᓄᑦ ᐃᑲᔪᖅᑕᐅᔪᒪᔪᓄᓪᓗ ᒪᓕᒐᓕᕆᔨᒧᑦ. ᐱᕋᔭᒃᑐᓄᑦ ᓴᐳᓐᓂᐊᖅᑎᖃᖅᑐᒍᑦ, ᐃᓚᒌᓄᑦ ᓴᐳᓐᓂᐊᖅᑎᓂᒃ, ᐊᒻᒪ ᐃᓅᖃᑎᒌᓄᑦ ᓴᐳᓐᓂᐊᖅᑎᓂᒃ. ᐃᖃᓗᖕᓂ, ᑲᖏᖅᖠᓂᕐᒥ, ᐃᖃᓗᑦᑑᑦᑎᐊᕐᒥᓗ, ᐊᒻᒪᓗ ᐃᖅᑲᑦᑐᐃᕕᖕᒥ ᐃᑲᔪᖅᑎᖃᖅᖢᑕ ᓄᓇᓕᕋᓛᖑᓂᖅᓴᓂ.
ᓄᓇᕗᒻᒥ ᒪᓕᒐᕐᓂᒃ ᑐᑭᓯᓂᐊᕐᕕᒃᑯᑦ ᑲᒪᒋᔭᒃᓴᖃᕆᕗᑦ ᓄᓇᓕᖕᓂ ᒪᓕᒐᕐᓂᒃ ᐃᓕᓐᓂᐊᖅᑎᑦᑎᕙᒡᓗᑎᒃ ᓄᓇᕘᓕᒫᒥ ᐋᖅᑭᒃᓱᐃᕙᒃᖢᑎᒡᓗ ᐱᓕᕆᐊᒃᓴᓂᒃ ᐊᒃᑐᐊᓂᓕᖕᓂᒃ ᒪᓕᒐᓕᕆᓂᕐᒧᑦ ᐃᓕᓐᓂᐊᖅᑎᑦᑎᓂᕐᒥᒃ ᒥᒃᖠᒋᐊᖅᑎᑦᑎᔪᒪᓪᓗᑎᒃ ᒪᓕᒐᑎᒍᑦ ᑐᓗᖅᑕᕈᑕᐅᕙᒃᑐᓂᒃ ᓄᓇᕗᒻᒥᐅᓄᑦ.
ᒪᓕᒐᕐᓂᒃ ᑐᑭᓯᓂᐊᕐᕕᒃᑯᓐᓄᑦ ᐃᑲᔪᖅᑕᐅᔪᒪᒍᕕᑦ, ᑕᑕᑎᕆᐊᓕᖕᒥᒃ ᑎᑎᕋᕆᐊᖃᖅᐳᑎᑦ. ᑮᓇᐅᔭᑎᒍᑦ ᐊᔪᙱᒃᑯᕕᑦ ᐱᔨᑦᑎᕋᕆᐊᖃᕈᕕᓪᓗ ᒪᓂᒪᑎᑕᑦᑎᓐᓂᒃ, ᒪᓕᒐᓕᕆᔨᑖᖅᑎᑕᐅᑐᐃᓐᓇᕆᐊᖃᖅᐳᑎᑦ. ᐱᓇᔪᒋᐊᖃᙱᑦᑐᑎᑦ ᒪᓕᒐᓕᕆᓂᕐᒧᑦ ᐃᑲᔪᖅᑎᒥᒃ ᐊᐱᕆᓂᐊᕐᓗᑎᑦ ᐅᖄᓚᓗᑎᒡᓘᓐᓃᑦ ᒪᓕᒐᓕᕆᔨᒥᒃ ᐸᓖᓯᒃᑯᓐᓂᙶᖅᑐᒥᒃ.
ᑭᓲᖕᒪᑦ ᒪᓕᒐᕐᓂᒃ ᑐᑭᓯᓂᐊᕐᕕᒃᑯᑦ ᓴᐳᓐᓂᐊᖅᑎᖓ?
ᓴᐳᓐᓂᐊᖅᑏᑦ ᒪᓕᒐᕐᓂᒃ ᑐᑭᓯᓂᐊᕐᕕᒃᑯᓐᓂ ᒪᓕᒐᕐᓂᒃ ᐱᔨᑦᑎᕋᓲᖑᕗᑦ ᓄᓇᕗᒥᐅᓄᑦ. ᓴᐳᓐᓂᐊᖅᑎᒥᒃ ᐃᑲᔪᖅᑕᐅᓂᐊᖅᐳᑎᑦ ᐊᔪᕆᖅᓲᔾᔨᓗᓂ ᒪᓕᒐᓕᕆᓂᒃᑯᑦ ᐊᑐᖃᑦᑕᖅᑕᕐᓂᒃ ᐃᑲᔪᕈᓐᓇᖅᖢᓂᓗ ᓇᓗᓇᐃᖅᓯᓗᓂ ᐊᑐᖔᕈᓐᓇᖅᑕᕐᓂᒃ. ᓴᐳᓐᓂᐊᖅᑎ ᐃᖅᑲᖅᑐᐃᕕᖕᒧᐊᕈᓐᓇᖅᑐᖅ ᐃᓕᖕᓄᑦ, ᐊᐃᕙᖃᑎᖃᕈᓐᓇᖅᑐᖅ ᐃᖅᑲᖅᑐᐃᕕᖕᒥ, ᐅᕝᕙᓘᓐᓃᑦ ᐃᓕᖕᓂᒃ ᐃᑲᔪᕈᓐᓇᖅᑐᖅ ᐋᔩᖃᑎᖃᕋᓱᒃᑎᓪᓗᒋᑦ. ᓴᐳᓐᓂᐊᖅᑎ ᐅᒃᐱᕆᔪᓐᓇᖅᑕᐃᑦ, ᐅᖃᖃᑎᖃᕆᐊᖃᙱᖦᖢᑎᒡᓗ ᐊᓯᖕᓄᑦ ᐱᔾᔪᑎᒋᔭᕐᓄᑦ ᑭᓯᐊᓂ ᖃᔅᓰᓐᓇᑯᓗᖕᓄᑦ ᖃᓄᐃᓐᓂᐅᔪᓄᑦ.
ᐃᖅᑲᓇᐃᔭᖅᑎᕗᑦ ᓴᐳᓐᓂᐊᖅᑎᕗᑦ ᑐᙵᕕᖃᖅᐳᑦ ᓄᓇᕗᒻᒥ ᐱᖓᓱᓂ ᐊᕕᒃᓯᒪᓂᕐᓂ ᐱᓕᕆᕝᕕᒋᔭᑦᑎᓐᓂ. ᓄᓇᓕᓐᓅᖃᑦᑕᕐᒥᔪᑦ ᐃᖅᑲᑦᑐᐃᕕᒃᑯᑦ ᐊᐅᓪᓚᑲᑕᒃᖢᑎᒃ. ᐃᓚᖏᑦ ᓴᐳᓐᓂᐊᖅᑎᑦ ᐊᑐᖅᐸᒃᑕᕗᑦ ᖃᓪᓗᓈᓃᖦᖢᑎᒃ ᓄᓇᕗᒻᒧᐊᖅᐸᒃᖢᑎᒡᓗ ᐃᑲᔪᕆᐊᖅᑐᖅᖢᑎᒃ ᓇᒧᙵᐅᑲᑕᒃᑎᓪᓗᒋᑦ ᐊᔪᕐᓇᖅᑐᖅᓯᐅᓕᕌᖓᑕᓘᓐᓃᑦ (ᐃᒪᓐᓇ ᑕᐃᔭᐅᒐᔪᒃᑐᖅ "ᓴᐳᓐᓂᐊᖅᑎᑦ"). ᑕᒪᕐᒥᑦᑎᐊᖅ ᓴᐳᓐᓂᐊᖅᑎᕗᑦ ᐱᔪᓐᓇᐅᑎᖃᖅᐳᑦ ᐅᑯᓇᙵᑦ, ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᑦ ᓄᓇᕗᒻᒥ ᒪᓕᒐᓕᕆᓂᐊᖅᑐᑦ ᓄᓇᕗᒻᒥ.
ᖃᔅᓯᑐᖅᐸ ᒪᓕᒐᓕᕆᓂᕐᒧᑦ ᐃᑲᔪᖅᑎ ᓴᐳᓐᓂᐊᖅᑎ?
ᑕᒪᕐᒥᑦᑎᐊᖅ ᓴᐳᓐᓂᐊᖅᑏᑦ ᐱᑎᑕᐅᕙᒃᑐᑦ ᒪᓕᒐᓕᕆᓂᕐᒧᑦ ᐃᑲᔪᖅᑕᐅᕙᖕᓂᕐᒧᑦ ᓄᓇᕗᒻᒥ ᐊᑭᖃᙱᖦᖢᑎᒃ. ᒪᓕᒐᕐᓂᒃ ᑐᑭᓯᓂᐊᕐᕕᒃᑯᑦ ᑮᓇᐅᔭᖃᖅᑎᑕᐅᕙᒃᐳᑦ ᐃᓚᖓᒍᑦ ᓄᓇᕗᑦ ᒐᕙᒪᒃᑯᖏᓐᓄᑦ ᒪᓕᒐᓕᕆᔨᒃᑯᓐᓄᓪᓗ.
ᐃᓛᓐᓂᒃᑯᑦ, ᑮᓇᐅᔭᑎᒍᑦ ᐊᔪᙱᑎᑕᐅᙱᒃᑯᕕᑦ, ᒪᓕᒐᓕᕆᔨᒥᒃ ᐱᑎᑕᐅᑐᐃᓐᓇᕆᐊᖃᖅᐳᑎᑦ ᒪᓕᒐᕐᓂᒃ ᑐᑭᓯᓂᐊᕐᕕᓕᕆᔨᒃᑯᓐᓂ ᑮᓇᐅᔭᑎᒍᑦ ᐃᑲᔪᕈᕕᑦ ᒪᓕᒐᓕᕆᓂᕐᒧᑦ ᐊᑭᓕᖅᓱᕆᐊᓕᖕᓄᑦ. ᑖᓐᓇ ᑕᐃᔭᐅᔪᖅ "ᐃᑲᔫᓯᐊᖅᑎᑦᑎᓂᕐᒧᑦ ᐊᖏᕈᑎ". ᐃᓱᒪᓕᐊᕆᔭᐅᔪᖅ ᑐᓐᓂᖅᑯᓯᐊᕐᓂᕐᒧᑦ ᐊᖏᕈᑎᒥᒃ ᐃᓱᒪᖅᓲᑕᐅᕗᖅ ᐊᐅᓚᑦᑎᔨᒻᒪᕆᖕᒧᑦ.
ᐃᓄᒃᑎᑐᑦ ᐅᖃᓪᓚᓲᖑᔪᖓ, ᑐᓵᔨᖃᖅᐱᓰ?
ᐄ. ᐊᑐᓂ ᑎᑎᕋᕐᕖᑦ ᐃᖅᑲᖅᑐᐃᕕᓕᕆᔨᖃᖅᐳᑦ ᐅᖃᓪᓚᒍᓐᓇᖅᑐᓂᒃ ᐃᓄᒃᑎᑐᑦ. ᓄᓇᓕᖕᓂ ᐃᖅᑲᖅᑐᐃᕕᖕᒥ ᐃᖅᑲᓇᐃᔭᖅᑎᕗᑦ ᐅᖃᕈᓐᓇᕐᒥᔪᑦᑕᐅᖅ ᐃᓄᒃᑎᑐᑦ. ᑐᑭᓯᐅᒪᔪᒍᑦ ᐱᒻᒪᕆᐅᓂᖓᓂᒃ ᑐᑭᓯᔪᓐᓇᕐᓂᖅ ᓴᐳᓐᓂᐊᖅᑎᒋᔭᕐᓂᒃ ᐊᒻᒪᓗ ᐊᐱᖅᓱᕈᓐᓇᕐᓂᖅ ᐃᓄᒃᑎᑐᑦ. ᐃᖅᑲᖅᑐᐃᕕᖕᒥ ᐃᖅᑲᓇᐃᔭᖅᑎᕗᑦ ᑐᓵᔨᐅᔪᓐᓇᕐᓂᐊᖅᑐᑦ ᐃᓕᖕᓂᒃ ᑲᑎᒪᖃᑎᖃᓕᕌᖓᕕᑦ ᒪᓕᒐᓕᕆᔨᒥᒃ ᐃᑲᔪᕈᓐᓇᖅᖢᑎᒡᓗ ᐊᐱᖅᓱᕈᓐᓇᖅᖢᑎᑦ ᒪᓕᒐᓕᕆᔨᒋᔭᕐᓂᒃ. ᐃᖅᑲᖅᑐᐃᕕᖕᒨᕈᕕᑦ, ᑐᓵᔨᖃᕈᒪᔪᓐᓇᕐᒥᔪᑎᑦ.
ᐅᖄᓚᔪᓐᓇᖅᐳᖓ ᐊᕕᒃᓯᒪᓂᕐᒥ ᐃᓗᐊᖅᓴᖅᑕᐅᕝᕕᖕᒧᑦ ᐅᖃᖃᑎᖃᕐᓗᖓᓗ ᒪᓕᒐᓕᕆᔨᒥᒃ ᖃᓄᑐᐃᓐᓇᖅ ᒪᓕᒐᓕᕆᓂᕐᒧᑦ ᐊᐱᖅᑯᑎᒃᓴᖃᕈᒪ?
ᐄ. ᒪᓕᒐᕐᓂᒃ ᑐᑭᓯᓂᐊᕐᕕᒃᑯᑦ ᓴᐳᓐᓂᐊᖅᑎᖏᑦ ᒪᓕᒐᑎᒍᑦ ᐅᖃᐅᔾᔨᒋᐊᕈᓐᓇᖅᑎᑕᐅᔪᑦ ᒪᓕᒐᓕᕆᓂᕐᒨᖓᔪᓂᒃ ᐊᐱᖅᑯᑎᓂᒃ. ᐊᐱᖅᑯᑎᒃᓴᖃᕈᕕᑦ, ᐅᖄᓚᔪᓐᓇᖅᐳᑎᑦ ᓇᓕᐊᖕᓄᑐᐃᓐᓇᖅ ᐊᕕᒃᓯᒪᓂᕐᒥ ᐃᓗᐊᖅᓴᖅᑕᐅᕝᕕᖕᒧᑦ ᒪᓕᒐᓕᕆᔨᒥᒡᓗ ᐅᖃᖃᑎᖃᕈᓐᓇᕐᓂᐊᖅᖢᑎᑦ.
ᐊᐱᖅᑯᑎᒃᓴᖃᕈᕕᑦ ᓇᖕᒥᓂᖅ ᖃᓄᐃᓕᖓᓂᕆᔭᕐᓄᑦ, ᒪᓕᒐᓕᕆᓂᕐᒧᑦ ᐃᑲᔪᖅᑕᐅᓂᕐᒧᑦ ᐱᓇᔪᒋᐊᖃᖅᐳᑎᑦ.
ᖃᓄᖅ ᐱᓇᔪᒍᓐᓇᖅᐳᖓ ᒪᓕᒐᓕᕆᓂᕐᒧᑦ ᐃᑲᔪᖅᑕᐅᓂᕐᒧᑦ?
ᐱᓇᔪᒍᓐᓇᖅᐳᑎᑦ ᒪᓕᒐᓕᕆᓂᕐᒧᑦ ᐃᑲᔪᖅᑕᐅᔪᒪᓗᑎᑦ ᐅᐸᒍᑎᓗᑎᑦ ᓇᓕᐊᖕᓄᑐᐃᓐᓇᖅ ᐃᓗᐊᖅᓴᖅᑕᐅᕝᕕᒋᔭᑦᑎᓐᓄᑦ ᐅᖄᓚᓗᑎᓪᓘᓐᓃᑦ ᓄᓇᔅᓯᓐᓂ ᐊᕕᒃᓯᒪᓂᕐᓂ ᐃᓗᐊᖅᓴᖅᑕᐅᕝᕕᒋᔭᔅᓯᓐᓄᑦ.
MT: (867) 975-6395 or 1-866-202-5593
ᑭᕙᓪᓕᖅ: (867) 645-2536 or 1-866-606-9400
ᕿᑎᕐᒥᐅᑦ: (867) 983-2906 or 1-866-240-4006
ᑭᓇᒧᑦ ᐅᖃᓪᓚᒍᓐᓇᖅᐳᖓ ᐃᖅᑲᖅᑐᐃᕕᓕᕆᔨᑕᖃᙱᑉᐸᑦ ᓄᓇᑦᑎᓐᓂ?
ᐃᖅᑲᖅᑐᐃᕕᓕᕆᔨᖃᙱᒃᑯᑦᑕ ᓄᓇᓕᖕᓂ, ᐅᖄᓚᔪᓐᓇᖅᐳᑎᑦ ᓄᓇᔅᓯᓐᓂ ᐊᕕᒃᑐᖅᓯᒪᔪᑦ ᑎᑎᕋᕐᕕᐊᓄᑦ:
MT: (867) 975-6395 or 1-866-202-5593
ᑭᕙᓪᓕᖅ: (867) 645-2536 or 1-866-606-9400
ᕿᑎᕐᒥᐅᑦ: (867) 983-2906 or 1-866-240-4006
ᐃᓚᖃᕋᒪ ᐃᖅᑲᖅᑐᐃᕕᖕᒥ ᐃᖅᑲᓇᐃᔭᖅᑎᒥᒃ ᑎᑎᕋᕐᕕᔅᓯᓐᓂ ᐃᓚᖓᓐᓂ, ᖃᓄᐃᓕᐅᕆᐊᖃᖅᐳᖓ?
ᐃᓚᖃᕈᕕᑦ ᐃᖅᑲᖅᑐᐃᕕᓕᕆᔨᑦᑕ ᑎᑎᕋᕐᕕᑦᑎᓐᓂ ᓄᓇᓕᑦᑎᓐᓂᓘᓐᓃᑦ, ᖃᐅᔨᑎᓐᓂᐊᖅᐸᑎᒍᑦ ᐱᓇᔪᓕᕈᕕᑦ ᒪᓕᒐᓕᕆᓂᕐᒧᑦ ᐃᑲᔪᖅᑕᐅᓂᕐᒥᒃ. ᖃᐅᔨᒪᒋᐊᕐᓂᐊᖅᐳᒍᑦ ᐱᓇᔫᑎᒋᔭᐃᑦ ᑎᑎᖅᑲᖁᑎᑎᓪᓗ ᐊᒥᖅᑳᕈᑕᐅᙱᒃᑲᓗᐊᕐᒪᖔᑕ ᑕᐃᔅᓱᒧᖓ ᐃᓄᖕᒧᑦ. ᐃᓱᒫᓘᑎᖃᕈᕕᑦ, ᖃᐅᔨᒋᐊᕈᓐᓇᖅᐳᑎᑦ ᒪᓕᒐᕐᓂᒃ ᑐᑭᓯᓂᐊᕐᕕᒃᑯᑦ ᓇᓕᐊᖕᓂᑐᐃᓐᓇᖅ ᐊᕕᒃᑐᖅᓯᒪᔪᓂᒃ ᖁᕕᐊᓱᖕᓂᐊᖅᑐᑦ ᐃᓕᖕᓂᒃ ᐃᑲᔪᕆᐊᒃᓴᖅ.
ᑭᓱᓂᒃ ᑎᑎᖅᑲᓂᒃ ᐱᔭᕆᐊᖃᖅᐳᖓ ᐱᓇᔫᑎᓐᓄᑦ?
ᑐᓂᓯᔭᕆᐊᖃᕐᓂᐊᖅᑐᑎᑦ ᒪᕐᕉᖕᓂᒃ ᐊᑐᕈᓐᓇᖅᑑᖕᓂᒃ ᓇᓗᓇᐃᒃᑯᑕᕐᓂᒃ, ᐊᑕᐅᓯᖅ ᐊᔾᔨᙳᐊᖃᕆᐊᓕᒃ ᑭᓇᐅᖕᒪᖔᖅᐱᑦ ᓇᓗᓇᐃᒃᑯᑕᖓ, ᑮᓇᐅᔭᓕᐊᕕᓪᓗ ᒥᒃᓵᓅᖓᔪᑦ:
1. ᐊᑐᕈᓐᓇᖅᑐᖅ ᓇᓗᓇᐃᒃᑯᑕᖅ ᐃᓚᖃᖅᐳᖅ ᑭᓇᐅᓂᕐᒥᓄᑦ ᐊᐅᒃᑕᔫᒥᒃ, ᐊᖁᑦᑐᓐᓇᐅᑎᒥᒃ, ᑲᓇᑕᐅᑉ ᓯᓚᑖᓅᕈᓐᓇᐅᑎᒥᒃ, ᓄᓇᕗᑦ ᑐᙵᕕᒃᑯᑦ ᑎᒥᖓᓐᓂᒃ ᐊᓯᖏᓐᓂᒡᓘᓐᓃᑦ ᓄᓇᖃᖅᑳᖅᑐᑦ ᓇᓗᓇᐃᒃᑯᑕᖏᓐᓂᒃ, ᐋᓐᓂᐊᕕᓕᐊᕈᓐᓇᐅᑎᒥᒃ, ᐃᓅᔪᖅᓯᐅᑎᒥᒡᓘᓐᓃᑦ.
2. ᑮᓇᐅᔭᓕᐊᕆᔭᑦ ᒥᒃᓵᓅᖓᔪᑦ ᐃᓚᖃᖅᐳᑦ ᒪᕐᕉᖕᓂᒃ ᖃᖓᑦᑎᐊᓕᓴᕐᓂᒃ ᐊᑭᓕᖅᑕᐅᓂᕐᒧᑦ ᓇᓕᖅᑲᓂᒃ ᓂᖃᐃᓱᖅᑐᖅᓯᐅᑎᓄᓪᓘᓐᓃᑦ ᑐᖅᑯᖅᑕᐅᓯᒪᔪᓂᒃ (ᐃᖅᑲᓇᐃᔭᙱᑦᑐᖅᓯᐅᑦ, ᓂᖃᐃᓱᖅᑐᖅᓯᐅᑎᑦ, ᑎᒥᒥᒍᑦ ᐊᔪᕈᑎᖃᕐᓂᖅ). ᐊᐱᕆᑐᐃᓐᓇᕆᐊᖃᖅᑐᒍᑦ ᑭᖑᓪᓕᖅᐹᓂᒃ ᒪᕐᕉᖕᓂᒃ ᖃᐅᔨᒃᑲᐃᔾᔪᑎᓂᒃ ᖃᐅᔨᓴᖅᑕᐅᔪᓂᒃ ᑲᓇᑕᒥ ᐃᓐᑲᒻᑖᒃᓯᓕᕆᔨᒃᑯᓐᓂᑦ. ᐊᐱᕆᔭᐅᑐᐃᓐᓇᕆᐊᖃᖅᐳᑎᑦ ᐱᑎᑦᑎᖁᔭᐅᓗᑎᑦ ᑐᓴᖅᑕᐅᔪᒃᓴᒃᑲᓐᓂᕐᓂᒃ ᑮᓇᐅᔭᓕᐊᕆᔭᕕᑦ ᒥᒃᓵᓄᑦ ᖃᓄᑐᐃᓐᓇᖅ ᐊᐱᖅᑯᑎᒃᓴᖃᕐᓂᕈᑦᑕ.
ᖃᓄᐃᒻᒪᑦ ᒪᓕᒐᕐᓂᒃ ᑐᑭᓯᓂᐊᕐᕕᒃᑯᑦ ᐊᐱᕆᓲᖑᕙᑦ ᐃᒡᓗᒥᐅᑕᐅᖃᑎᒃᑲ ᖃᔅᓯᐅᖕᒪᖔᑕ?
ᑖᒃᑯᐊ ᑐᑭᓯᒋᐊᒐᒃᓴᑦ ᐊᑐᖅᐸᒃᑕᕗᑦ ᐃᓱᒪᓕᐅᕆᓇᓱᒃᖢᑕ ᒪᓕᒐᕐᓂᒃ ᑐᑭᓯᓂᐊᕐᕕᒃᑯᑦ ᐃᑲᔪᖅᑕᐅᔪᓐᓇᕐᒪᖔᖅᐱᑦ. ᖃᔅᓯᐅᓂᖏᑦ ᐃᒡᓗᒥᐅᑕᐅᖃᑎᑎᑦ (ᐃᒡᓗᒥᐅᖃᑎᒌᑦ) ᓇᖕᒥᓂᕐᓗ ᑮᓇᐅᔭᓕᐊᑎᑦ ᐊᒃᑐᖅᓯᓂᐊᖅᐳᑦ ᐱᔪᓐᓇᕐᓂᕆᔭᕐᓂᒃ ᒪᓕᒐᓕᕆᓂᕐᒧᑦ ᐃᑲᔪᖅᑕᐅᓂᕐᒥᒃ.
ᖃᓄᖅ ᓇᒃᓯᐅᔾᔨᔪᓐᓇᖅᐳᖓ ᑎᑎᖅᑲᓂᒃ ᐱᓇᔫᑎᓐᓄᑦ ᒪᓕᒐᓕᕆᓂᕐᒧᑦ ᐃᑲᔪᖅᑎᒧᑦ?
ᐱᓇᔪᒃᑯᕕᑦ ᒪᓕᒐᓕᕆᓂᕐᒧᑦ ᐃᑲᔪᖅᑕᐅᓂᕐᒥᒃ ᓇᒃᓯᐅᔾᔨᔭᕆᐊᖃᕈᕕᓪᓗ ᑎᑎᖅᑲᓂᒃ, ᖃᐅᔨᒋᐊᕆᐊᖃᖅᐳᑎᑦ ᐊᕕᒃᓯᒪᓂᕐᒥ ᐃᓗᐊᖅᓴᖅᑕᐅᕝᕕᖕᒧᑦ ᐱᓇᔪᒡᕕᒋᔭᕐᓄᑦ ᐊᐱᕆᓗᑎᓪᓗ ᖃᓄᖅ ᑎᑎᖅᑲᖁᑎᑎᑦ ᐅᕙᑦᑎᓐᓄᐊᖅᑕᐅᔪᓐᓇᕐᒪᖔᑕ.
ᓄᓇᕗᒻᒥᐅᑕᐅᙱᑦᑐᖓ. ᒪᓕᒐᓕᕆᓂᒃᑯᑦ ᐱᓇᔪᒍᓐᓇᖅᐳᖔ ᐃᑲᔪᖅᑕᐅᓂᕐᒥᑦ ᓄᓇᕗᒻᒥ?
ᐃᒪᓐᓇᐅᒐᔪᒃᐳᖅ, ᓄᓇᖃᕆᐊᖃᖅᐳᑎᑦ ᓄᓇᕗᒻᒥ ᒪᓕᒐᑎᒍᑦ ᐃᑲᔪᖅᑕᐅᔪᓐᓇᕐᓗᓂ.
ᓄᓇᕗᒻᒥ ᐃᖅᑲᖅᑐᐃᕕᒃᑰᕆᐊᖃᕈᕕᑦ ᑭᓯᐊᓂ
ᓄᓇᕗᒻᒥᐅᑕᐅᙱᒃᑯᕕᑦ, ᐊᔪᙱᑐᐃᓐᓇᕆᐊᖃᖅᐳᑎᑦ ᐃᒪᐃᒃᑯᕕᑦ:
• ᐊᒃᑐᐊᓂᖃᒻᒪᕆᒃᑯᕕᑦ ᓄᓇᕗᒻᒧᑦ ᐃᓚᒋᔭᐅᓪᓗᓂ ᐃᓅᓂᑰᒍᕕᑦ ᐱᕈᖅᓴᓯᒪᓗᑎᓪᓘᓐᓃᑦ
• ᒪᓕᒐᓕᕆᓂᕐᒧᑦ ᐃᑲᔪᖅᑕᐅᔪᓐᓇᕋᓱᒋᒍᕕᑦ, ᐱᓇᔪᖁᕙᑦᑎᒋᑦ ᓇᓗᓇᐃᖅᓯᓗᑎᓪᓗ ᖃᓄᐃᒻᒪᑦ ᐊᔪᙱᑦᑕᕆᐊᖃᕐᒪᖔᖅᐱᑦ ᐱᓇᔫᑎᖕᓂᑦ. ᐃᓱᒪᓕᐊᕆᔭᐅᔪᖅ ᓴᒃᑯᐃᔪᒪᓗᓂ ᓄᓇᖃᖅᓯᒪᔭᕆᐊᖃᕐᓂᕐᒥᒃ ᐃᓱᒪᖅᓲᑕᐅᕗᖅ ᐊᐅᓚᑦᑎᔨᒻᒪᕆᑦᑎᓐᓄᑦ.
ᐱᓇᔪᒍᓐᓇᖅᐳᖔ ᒪᓕᒐᓕᕆᓂᕐᒧᑦ ᐃᑲᔪᖅᑕᐅᓂᕐᒥᒃ ᐱᕋᔭᖕᓂᕐᒧᑦ ᐸᓯᔭᒃᓴᙳᖅᑎᑕᐅᓐᓂᕈᒪ ᐊᓯᐊᓂ ᐊᕕᒃᓯᒪᓂᕆᔭᐅᔪᒥ?
ᐊᐃᑦᑖᖑᒐᓗᐊᖅ, ᓴᐳᓐᓂᐊᖅᑎᕗᑦ ᐃᓕᖕᓂᒃ ᐃᑲᔪᕈᓐᓇᑐᐃᓐᓇᖅᐳᑦ ᐱᕋᔭᖕᓂᕐᒧᑦ ᐸᓯᔭᒃᓴᙳᖅᑎᑕᐅᓂᖅᑎᑦ ᓄᓇᕗᒻᒦᑉᐸᑕ. ᐱᓇᔪᒋᐊᖃᖅᐳᑎᑦ ᒪᓕᒐᓕᕆᓂᕐᒧᑦ ᐃᑲᔪᖅᑕᐅᓂᕐᒥᒃ ᐊᕕᒃᓯᒪᓂᕆᔭᐅᔪᒥ ᐸᓯᔭᒃᓴᙳᖅᑎᑕᐅᕝᕕᒋᔭᕐᓂ.
ᖃᐅᔨᒋᐊᕐᕕᒋᔪᓐᓇᕐᒥᔭᑎᑦ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᑦ ᓄᓇᕗᒻᒥ ᓇᓂᓯᔪᒪᒍᕕᑦ ᒪᓕᒐᓕᕆᔨᒥᒃ ᐊᔪᖅᑎᑕᐅᙱᑦᑐᒥᒃ ᐱᓕᕆᐊᖃᕈᓐᓇᕐᓂᕐᒥᒃ ᐊᓯᖏᓐᓂ ᐊᕕᒃᓯᒪᓂᕐᓂ ᐃᑲᔪᖃᑦᑕᖅᓯᒪᓂᑰᔪᒥᒡᓗ ᐱᓕᕆᕝᕕᒋᔭᐅᕙᒃᑐᓂᒃ ᓄᓇᕗᒻᒥ.
ᖃᐅᔨᒋᐊᕐᕕᒃᓴᒃᑲ ᐊᒻᒪ/ᐅᕝᕙᓘᓐᓃᑦ ᑮᓇᐅᔭᓕᐊᕐᒪ
ᑐᑭᓯᒋᐊᕈᑎᒃᓴᖏᑦ ᐊᓯᔾᔨᖅᓯᒪᓕᖅᑐᑦ ᑕᐃᒪᙵᑦ ᐱᓇᔪᓚᐅᖅᑎᓪᓗᖓ. ᖃᓄᐃᓕᐅᕐᓂᐊᖅᐳᖓᓕ?
do?
ᐱᒻᒪᕆᐅᕗᖅ ᑐᓴᐅᒪᑎᑉᐸᒡᓗᑎᒍᑦ ᖃᐅᔨᒋᐊᕐᕕᒃᓴᑎᑦ ᐊᓯᔾᔨᕈᑎᒃ (ᐅᖄᓚᐅᑦ ᓇᐃᓴᐅᑎᐊ, ᐃᕐᖐᓐᓈᖅᑕᐅᑦ, ᐊᖏᕐᕋᖅᐱᑦ ᑐᕌᕈᑖ, ᑎᑎᖅᑲᒃᑯᕕᐅᑉ ᑐᕌᕈᑖ) ᐅᕝᕙᓘᓐᓃᑦ ᑮᓇᐅᔭᓕᐊᕕᑦ ᒥᒃᓵᓅᖓᔪᑦ ᐊᓯᔾᔨᕈᑎᒃ (ᓄᑖᖅ ᐃᖅᑲᓇᐃᔭᕐᕕᒃ, ᓄᑖᖅ ᑮᓇᐅᔾᔭᒃᓵᖅ, ᓄᑖᖅ ᐃᖅᑲᓇᐃᔮᕕᑦ ᑕᐃᒎᓯᖓ). ᓴᐳᓐᓂᐊᖅᑎᖃᕈᕕᑦ, ᑖᒃᑯᐊ ᑐᓴᖅᑕᐅᑎᑉᐸᒡᓗᒋᑦ ᓴᐳᓐᓂᐊᖅᑎᒋᔭᕐᓄᑦ. ᓴᐳᓐᓂᐊᖅᑎᖃᙱᒃᑯᕕᑦ, ᖃᐅᔨᒋᐊᕐᕕᒋᓗᒍ ᐊᕕᒃᓯᒪᓂᕐᓂ ᐃᓗᐊᖅᓴᖅᑕᐅᕝᕕᒃ ᓄᑖᙳᕆᐊᖅᑎᑦᑐᒪᓗᒍ ᑐᓴᖅᑕᐅᔪᒃᓴᖁᑎᑎᑦ.
ᒪᓕᒐᓕᕆᔨᖃᓚᐅᖅᓯᒪᕗᖓᒪᓕᒐᓕᕆᔨᒃᑯᓐᓂᑦ. ᐱᓇᔪᒃᑲᓐᓂᕆᐊᖃᖅᐳᖓ? ᑖᔅᓱᒥᖓᔅᓴᐃᓐᓇᖅ ᒪᓕᒐᓕᕆᔨᑖᖅᑎᑕᐅᓂᐊᖅᐳᖓ?
ᐄ, ᓄᑖᒥᒃ ᑐᒃᓯᕋᐅᑎᓕᐅᕆᐊᖃᕐᓂᐊᖅᐳᑎᑦ ᒪᓕᒐᓕᕆᓂᕐᒧᑦ ᐃᑲᔪᖅᑕᐅᔪᒪᓗᑎᑦ ᐊᑐᓂ ᐱᔾᔪᑎᒋᔭᕐᓄᑦ. ᐱᓇᔪᒋᐊᖃᕐᓂᐊᖅᐳᑎᑦ ᐱᓇᔪᒃᑲᓗᐊᕈᕕᑦ ᐊᔾᔨᖓᓂᒃ ᒪᓕᒐᓕᕆᔨᒥᒃ (ᓲᕐᓗ ᐱᕋᔭᖕᓂᕐᒧᑦ ᐸᓯᔭᒃᓴᙳᖅᑎᑕᐅᓚᐅᖅᓯᒪᒍᕕᑦ ᑭᖑᓂᑦᑎᓐᓂ ᐊᒻᒪ ᑎᒍᔭᐅᒃᑲᓐᓂᕈᕕᑦ ᐅᕝᕙᓘᓐᓃᑦ ᕿᑐᕐᙵᕐᓄᑦ ᐃᑲᔫᑎᑖᕈᒪᒍᕕᑦ
ᐊᓯᔾᔨᕈᒪᒍᕕᐅᒃ ᖃᔅᓯᐅᓂᖓ ᐅᕝᕙᓘᓐᓃᑦ ᐸᓖᓯᒃᑯᓐᓄᑦ ᐱᓂᕐᓗᒃᑕᐅᓚᐅᖅᓯᒪᒍᕕᑦ ᑭᖑᓂᑦᑎᓐᓂ ᐱᑦᑎᐊᖅᑕᐅᙱᒃᑲᓐᓂᓚᐅᕈᕕᓪᓗ).
ᓱᓕᓂᕋᕈᓐᓇᙱᑦᑐᒍᑦ ᑐᓂᔭᐅᓂᐊᕐᓂᕐᓂᒃ
ᑖᔅᓱᒥᖓᑦᑕᐃᓐᓇᖅ ᓴᐳᓐᓂᐊᖅᑎᒥᒃ.
ᓇᑭᑦ ᓇᓂᓯᔪᓐᓇᖅᐳᖓ ᓴᐳᓐᓂᐊᖅᑎᒥᒃ ᒪᓕᒐᓕᕆᓂᕐᒧᑦ ᐃᑲᔪᖅᑕᐅᔪᓐᓇᙱᒃᑯᒪ?
ᓇᖕᒥᓂᖅ ᒪᓕᒐᓕᕆᔨᑖᕆᐊᖃᖅᐳᑎᑦ. ᖃᐅᔨᒋᐊᖁᔨᕗᒍᑦ ᒪᓕᒐᓕᕆᔨᑦ ᑲᑐᔾᔨᖃᑎᒌᖏᓐᓄᑦ ᓄᓇᕗᒻᒥ ᓇᓂᓯᔾᔪᔾᔭᐅᔪᒪᓂᕐᒥᑦ ᒪᓕᒐᓕᕆᔨᒃᓴᒥᒃ.
ᐊᖏᖅᑕᐅᓚᐅᙱᑉᐳᖓ ᒪᓕᒐᑎᒍᑦ ᐃᑲᔪᖅᑕᐅᔪᓐᓇᕐᓂᕐᒥᒃ ᐊᔪᖅᑎᑕᐅᒐᒪ. ᖃᓄᐃᓕᐅᕈᓐᓇᖅᐳᖓ?
ᐅᕙᑦᑎᓐᓄᑦ ᐊᐱᕆᔪᓐᓇᖅᐳᑎᑦ ᐃᓱᒪᒃᓴᖅᓯᐅᒃᑲᓐᓂᖁᓗᒍ ᐋᒃᑳᖅᑕᐅᓂᖓ ᐱᓇᔫᑎᒋᔭᕕᑦ. ᑎᑎᖅᑲᒥᒃ ᓇᒃᓯᐅᔾᔨᕕᐅᓂᐊᖅᐳᑎᑦ ᑐᑭᓯᒋᐊᒐᒃᓴᓂᒃ ᖃᓄᖅ ᖁᑦᑎᖕᓂᖅᓴᒧᑦ ᐅᓐᓂᕐᓗᒍᓐᓇᕐᒪᖔᖅᐱᑦ ᐃᓱᒪᓕᐊᕆᔭᑦᑎᓐᓂᒃ ᐋᒃᑳᖅᑕᐅᑎᓪᓗᑎᑦ ᐱᓇᔫᑎᒋᔭᕐᓄᑦ. ᐅᕘᓇ ᓇᕿᓪᓗᒍ ᑐᑭᓯᒋᐊᒃᑲᓐᓂᕈᒪᒍᕕᑦ ᐅᑯᓂᖓ ᖃᓄᖅ ᐊᔪᐃᓐᓇᕆᐊᒃᑲᓐᓂᕈᓐᓇᕐᒪᖔᖅᐱᑦ ᐋᒃᑳᖅᑕᐅᔪᖃᖅᑎᓪᓗᒍ.
ᖃᓄᐃᓕᖓᓂᕋ ᐊᓯᔾᔨᖅᓯᒪᓕᕐᒪᑦ, ᐱᓇᔪᒃᑲᓐᓂᕈᓐᓇᖅᐳᖔ ᒪᓕᒐᓕᕆᓂᕐᒧᑦ ᐃᑲᔪᖅᑕᐅᓂᕐᒧᑦ?
ᖃᖓᑐᐃᓐᓇᑦᑎᐊᖅ ᐱᓇᔪᒃᑲᓐᓂᕈᓐᓇᖅᐳᑎᑦ ᒪᓕᒐᓕᕆᓂᕐᒧᑦ ᐃᑲᔪᖅᑕᐅᔪᒪᓗᑎᑦ. ᐃᑲᔪᕐᓂᖃᕋᔭᖅᐳᖅ ᓇᓗᓇᐃᖅᓯᓗᓂ ᐱᓇᔫᑎᒋᔭᕐᓂ ᑭᓱᑦ ᐊᓯᔾᔨᖅᓯᒪᓕᕐᒪᖔᑕ ᑕᐃᒪᙵᑦ ᑭᖑᓪᓕᖅᐹᒥᒃ ᐱᓇᔪᓚᐅᖅᑎᓪᓗᑎᑦ ᖃᓄᐃᒻᒪᓪᓗ ᐅᒃᐱᕈᓱᖕᒪᖔᖅᐱᑦ ᐊᔪᖅᑎᑕᐅᙱᓐᓂᕐᓂᒃ ᒪᓕᒐᓕᕆᓂᕐᒧᑦ ᐃᑲᔪᖅᑕᐅᓂᕐᒥᒃ ᒫᓐᓇ.
ᖃᐅᒃᐸᑦ ᐃᖅᑲᖅᑐᖅᑕᐅᓛᕋᒪ ᒪᓕᒐᓕᕆᔨᖃᕐᓇᖓᓗ. ᖃᓄᐃᓕᐅᕐᓂᐊᖅᐳᖓᓕ?
ᐅᖃᖃᑎᖃᕈᓐᓇᖅᑐᑎᑦ ᒪᓕᒐᓕᕆᔨᑦᑕ ᐃᓚᖓᓐᓂᒃ ᐃᖅᑲᖅᑐᐃᕕᖕᒥ ᖃᐅᒃᐸᑦ ᐃᖅᑲᖅᑐᐃᕕᖕᒨᕈᕕᑦ. ᐱᒻᒪᕆᐅᔪᖅ ᓴᖅᑭᑦᑕᕆᐊᒃᓴᖅ ᐃᖅᑲᖅᑐᐃᕕᖕᒧᑦ ᐃᖅᑲᖅᑐᖅᑕᐅᕝᕕᒃᓴᖃᕈᕕᑦ ᐅᓪᓗᕐᒥ, ᓴᐳᓐᓂᐊᖅᑎᖃᙱᒃᑲᓗᐊᕈᕕ ᓱᓕ. ᕿᓚᒥᑯᓗᒃ ᐱᕕᖃᖅᑎᑕᐅᓂᐊᖅᐳᑎᑦ ᐱᓇᔪᖕᓂᐊᕐᓗᑎᑦ ᒪᓕᒐᓕᕆᓂᕐᒧᑦ ᐃᑲᔪᖅᑕᐅᓂᕐᒥᒃ ᓇᖕᒥᓂᕐᓘᓐᓃᑦ ᒪᓕᒐᓕᕆᔨᑖᕐᓗᑎᑦ. ᐱᓇᔪᑲᐅᑎᒋᖁᔨᕗᒍᑦ ᐃᖅᑲᖅᑐᖅᑕᐅᕌᓂᒃᓯᒪᓕᕈᕕᑦ.
ᐸᓯᔭᒃᓴᙳᖅᑎᑕᐅᓯᒪᒐᒪ ᓴᐳᓐᓂᐊᖅᑎᑖᕈᒪᓪᓗᖓᓗ. ᒪᓕᒐᓕᕆᓂᕐᒧᑦ ᐃᑲᔪᖅᑕᐅᔪᒪᓗᖓ ᐱᓇᔪᒍᓐᓇᖅᐳᖓ?
ᐸᓖᓯᒃᑯᓐᓄᑦ ᑎᒍᔭᐅᓯᒪᒍᕕᑦ, ᐱᕕᖃᖅᑎᑕᐅᓂᐊᖅᐳᑎᑦ ᐅᖄᓚᔪᓐᓇᕐᓗᑎᑦ ᒪᓕᒐᕐᓂᒃ ᑐᑭᓯᓂᐊᕐᕕᒃᑯᑦ ᐃᑲᔪᖅᑎᖓᓄᑦ ᐸᓖᓯᒃᑯᓐᓂᙶᖅᑐᒥᒃ ᐊᑭᖃᙱᑦᑐᒥᒃ ᒪᓕᒐᓕᕆᔨᒧᓪᓗ ᓇᓗᓇᐃᖅᓯᓗᓂ ᐱᔪᓐᓇᐅᑎᖕᓂᒃ ᐃᓕᖕᓄᑦ. ᑕᑕᑎᕆᔭᕆᐊᖃᙱᑦᑐᑎᑦ ᐱᓇᔫᑎᒥᒃ ᑕᒪᑐᒧᖓ. ᐱᔪᓐᓇᕐᓂᖃᖅᐳᑎᑦ ᐅᖃᖃᑎᖃᕆᐊᒃᓴᖅ ᒪᓕᒐᓕᕆᔨᒥᒃ ᑎᒍᔭᐅᓚᐅᖅᑎᓪᓗᑎᑦ.
ᐊᓂᑎᑕᐅᓐᓂᕈᕕᑦ ᐱᓯᒪᔭᐅᒍᕕᓪᓘᓐᓃᑦ,
ᐱᓇᔪᒍᓐᓇᖅᐳᑎᑦ ᒪᓕᒐᓕᕆᓂᕐᒧᑦ ᐃᑲᔪᖅᑕᐅᓂᕐᒥᒃ. ᑮᓇᐅᔭᑎᒍᑦ ᐊᔪᙱᒃᑯᕕᑦ ᐸᓯᔭᒃᓴᙳᖅᑎᑕᐅᓗᑎᓪᓗ ᐱᕋᔭᖕᓂᕐᒧᑦ ᐊᑭᓕᖅᐸᒃᑕᑦᑎᓐᓄᑦ, ᒪᓕᒐᓕᕆᔨᒥᒃ ᑐᓂᓯᓂᐊᖅᐳᒍᑦ.
ᖃᐅᔨᒪᔭᖃᖅᑐᖓ ᐱᕋᔭᖕᓂᕐᒧᑦ ᐸᓯᔭᒃᓴᙳᖅᑎᑕᐅᓯᒪᔪᒥᒃ, ᓇᒧᑦ ᐅᖄᓚᓪᓗᐊᖅᐸᑦ ᐅᖃᖃᑎᖃᕈᒪᓗᑎᒃ ᒪᓕᒐᓕᕆᔨᒥᒃ?
ᑕᐃᓐᓇ ᐃᓄᒃ ᖃᐅᔨᒋᐊᖅᑎᑦᑕᕆᐊᖃᖅᑕᑦ ᐊᕕᒃᑐᖅᓯᒪᔪᓂ ᑎᑎᕋᕐᕕᖓᓄᑦ. ᐅᖃᖃᑎᖃᕈᓐᓇᖅᑐᑦ ᒪᓕᒐᓕᕆᔨᒥᒃ, ᐊᒻᒪᓗ ᑐᒃᓯᕋᕐᓗᑎᒃ ᒪᓕᒐᑎᒍᑦ ᐃᑲᔪᖅᑕᐅᓂᕐᒥᒃ. ᐃᓄᒃ ᐱᔪᒪᒍᓂ, ᐃᑲᔪᕈᓐᓇᖅᑕᐃᑦ ᐅᖄᓚᑎᓪᓗᒍ, ᐅᕝᕙᓘᓐᓃᑦ ᐋᓐᓂᐊᕕᓕᐊᖃᑎᒋᔪᓐᓇᖅᑕᐃᑦ. ᐃᑲᔪᖅᑐᐃᕗᒍᑦ ᐃᑲᔪᖅᑕᐅᔭᕆᐊᓕᖕᓂᑦ ᓇᒃᓴᖃᑦᑕᖁᔨᓪᓗᑕ ᐃᑲᔪᖅᑎᒃᓴᒥᑦ ᐊᑲᐅᓯᕚᓪᓕᑎᑦᑎᓂᐊᖅᐸᑕ ᖃᐅᔨᒪᙱᑕᒥᓂᑦ ᖃᓄᐃᓐᓂᐅᔪᒥᑦ.
ᕿᑐᕐᖓᕋ ᑎᒍᔭᐅᓚᐅᕐᒪᑦ, ᖃᓄᐃᓕᐅᕈᓐᓇᖅᐳᖓ ᐃᑲᔪᕋᓱᒡᓗᒍ?
ᕿᑐᕐᙵᐃᑦ ᒪᓕᒐᑎᒍᑦ ᐃᑲᔪᖅᑕᐅᓂᕐᒧᑦ ᐱᓇᔪᒃᑎᑦᑕᕆᐊᖃᖅᐸᑦ. ᐃᑲᔪᕈᓐᓇᖅᑕᑎᑦ ᐅᖄᓚᓗᑎᒃ ᐋᓐᓂᐊᕕᑦᑎᓐᓄᑦ ᐅᕝᕙᓘᓐᓃᑦ ᐅᐸᒍᑎᑎᓪᓗᒋᑦ ᐋᓐᓂᐊᕕᖕᒧᑦ.
ᕿᑐᕐᙵᐃᑦ 18 ᑐᖔᓂ ᐅᑭᐅᖃᖅᐸᑦ, ᐃᖅᑲᖅᑐᐃᕕᖕᒧᐊᖃᑎᒋᔪᓐᓇᖅᑕᐃᑦ, ᑲᑎᖃᑎᒋᓗᒍ ᕿᑐᙵᖅᐱᑦ ᓴᐳᓐᓂᐊᖅᑎᖓ, ᐊᐱᕆᓗᒍᓗ ᒪᓕᒐᓕᕆᔨ ᖃᓄᑐᐃᓐᓇᖅ ᐊᐱᖅᑯᑎᒃᓴᖃᕈᕕᑦ.
ᕿᑐᕐᙵᐃᑦ 18 ᐅᖓᑖᓂ ᐅᑭᐅᖃᖅᐸᑦ, ᐃᓕᖕᓄᑦ ᐅᖃᓪᓚᒍᓐᓇᖅᑐᒍᑦ ᕿᑐᕐᙵᕕᑦ ᖃᓄᐃᓐᓂᕆᔭᖓᓂᒃ ᕿᑐᕐᙵᐃᑦ ᐊᖏᖅᓯᒪᒃᐸᑦ ᐃᓕᖕᓂᒃ ᐅᖃᖃᑎᖃᕆᐊᒃᓴᖅ. ᕿᑐᕐᙵᐃᑦ ᐅᕙᑦᑎᓐᓄᑦ ᐅᖃᐅᔾᔨᓯᒪᙱᑉᐸᑦ ᐃᓕᖕᓂᒃ ᐅᖃᖃᑎᖃᕈᓐᓇᕐᓂᑦᑎᓐᓂᒃ, ᐃᖅᑲᓇᐃᔭᖅᑎᕗᑦ ᐃᓕᖕᓂᒃ ᑐᓂᓯᔪᓐᓇᔾᔮᙱᑦᑐᑦ ᖃᓄᑐᐃᓐᓇᖅ ᑐᓴᖅᑕᐅᔪᒃᓴᓂᒃ ᐃᖅᑲᖅᑐᐃᕕᒃᑰᕈᑎᒋᔭᖓᑕ ᒥᒃᓵᓄᑦ.
ᐱᕋᔭᓚᐅᖅᓯᒪᓂᑰᒐᒪ. ᑭᓇᒧᑦ ᖃᐅᔨᒋᐊᕈᓐᓇᖅᐳᖓ ᐃᑲᔪᖅᑕᐅᔪᒪᓗᖓ ᑎᑎᖅᑲᖁᑎᒋᔭᐅᔪᓂᒃ ᓄᖅᑲᖓᑎᑕᐅᓚᐅᑲᒍᒪᓗᖓ (ᐱᕋᔭᒃᓯᒪᓂᕐᒧᑦ)?
ᒫᓐᓇᐅᔪᖅ, ᒪᓕᒐᕐᓂᒃ ᑐᑭᓯᓂᐊᕐᕕᒃᑯᑦ ᐃᑲᔪᖃᑦᑕᙱᑦᑐᑦ ᑎᑎᖅᑲᖁᑎᒋᔭᐅᔪᓂᒃ ᓄᖅᑲᖓᑎᑦᑎᓂᕐᒧᑦ. ᑕᑕᑎᕆᐊᓖᑦ ᐱᓇᔪᖕᓂᐊᕐᓗᓂ ᑎᑎᖅᑲᖁᑎᒋᔭᐅᔪᓂᒃ ᓄᖅᑲᖓᑎᑦᑎᓚᐅᑲᖕᓂᕐᒥᒃ ᐱᔭᒃᓴᐅᕗᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ. ᑐᑭᓯᒋᐊᒃᑲᓐᓂᕈᓐᓇᖅᐳᑎᑦ ᐅᕙᓂ: https://www.canada.ca/en/parole-board/servi ces/record-su spensions.htmI
ᐃᓚᒌᓄᑦ ᐃᖅᑲᖅᑐᐃᕕᒃᑰᕈᑎᖃᕋᒪ. ᒪᓕᒐᓕᕆᓂᕐᒧᑦ ᐃᑲᔪᖅᑕᐅᔪᒪᓗᖓ ᐱᓇᔪᒍᓐᓇᖅᐳᖓ?
ᕿᑐᕐᙵᖃᕈᕕᑦ ᐱᓇᔪᒍᒪᒍᕕᓪᓗ ᕿᑐᕐᙵᕐᓄᑦ ᐃᑲᔫᑎᒥᒃ ᑐᒃᓯᕋᕐᓗᑎᓪᓘᓐᓃᑦ ᐃᓱᒪᓕᐅᕆᓂᕐᒥᒃ ᑲᒪᒋᔭᒃᓴᖃᕐᓂᕐᒥᑦ ᐊᒻᒪ ᐊᖓᔪᖅᑳᖑᓂᕐᒧᑦ ᐱᕕᒃᓴᒥᑦ (ᐱᓯᒪᔭᐅᓂᕐᒧᑦ ᐊᒻᒪ
ᐱᔪᓐᓇᕐᓂᖅ), ᐃᑲᔪᕈᓐᓇᖅᑐᒃᓴᐅᕗᒍᑦ ᑮᓇᐅᔭᑎᒍᑦ ᐊᔪᙱᑎᑕᐅᒍᕕᑦ. ᐃᑲᔪᕈᓐᓇᕆᕗᒍᑦᑕᐅᖅ ᐃᓚᖏᓐᓄᑦ ᐊᕕᑦᑎᔪᓄᑦ ᐊᐃᑉᐸᐃᓪᓗ ᕿᑐᕐᙵᖃᕈᔅᓯᒃ ᐅᑭᐅᑭᓗᐊᖅᑐᓂᒃ ᐊᓯᖏᓐᓂᒡᓘᓐᓃᑦ ᐊᔪᖅᑎᑕᐅᙱᑦᑐᓄᑦ ᐃᓱᒫᓘᑎᓂᒃ (ᓲᕐᓗ ᐊᐃᑉᐸᕇᖕᓄᑦ ᐃᑲᔫᑎᑦ).
ᒪᓕᒐᕐᓂᒃ ᑐᑭᓯᓂᐊᕐᕕᒃᑯᑦ ᓴᐳᓐᓂᐊᖅᑎᓂᒃ ᐊᑐᐃᓐᓇᐅᑎᑦᑎᕙᙱᑦᑐᑦ ᐃᓕᖕᓂᒃ ᐃᑲᔪᕐᓂᐊᖅᑐᓂᒃ
ᐋᖅᑭᒃᓱᐃᓂᕐᒥᒃ ᓇᖕᒥᓂᕆᔭᐅᔪᑐᐊᑦ (ᓲᕐᓗ ᐃᒡᓗᐃᑦ ᐊᒻᒪ ᑮᓇᐅᔭᒃᑯᕕᖃᕐᕖᑦ) ᐅᕝᕙᓘᓐᓃᑦ ᐊᕕᑦᑎᔪᓄᑦ ᐅᑭᐅᑭᓗᐊᖅᑐᓂ ᕿᑐᕐᖓᖃᙱᑎᓪᓗᒋᑦ. ᑖᓐᓇ ᐃᓕᖕᓄᑦ ᑐᕌᖓᒃᐸᑦ, ᖃᐅᔨᒋᐊᖁᔨᕗᒍᑦ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᓂᒃ ᓄᓇᕗᒻᒥ ᓇᓂᓯᔾᔪᔾᔭᐅᔪᒪᓂᕐᒧᑦ ᐃᓛᒃᑰᖅᑐᒥᒃ ᓴᐳᓐᓂᐊᖅᑎᒥᒃ. ᖃᐅᔨᒋᐊᒃᑲᓐᓂᕈᓐᓇᕐᒥᔪᑎᑦ ᐊᕕᑦᑎᓂᐅᑉ ᒥᒃᓵᓄᑦ ᐅᕙᓂ: https://www.nunavutcourts.ca/index.php/for ms/category/145-divorce-forms
ᐃᓄᓕᕆᔨᒃᑯᑦ (ᐃᓄᓕᕆᔨᒃᑯᑦ) ᐅᕙᓐᓄᑦ ᖃᐅᔨᒋᐊᓚᐅᖅᐳᑦ. ᒪᓕᒐᓕᕆᓂᕐᒧᑦ ᐃᑲᔪᖅᑕᐅᔪᒪᓗᖓ ᐱᓇᔪᒍᓐᓇᖅᐳᖓ?
ᐄ, ᑎᓕᐅᕆᕗᒍᑦ ᑭᒃᑯᑐᐃᓐᓇᑦᑎᐊᓂᒃ ᖃᐅᔨᒋᐊᕐᕕᐅᓯᒪᔪᓂᒃ ᐳᓛᕆᐊᖅᑕᐅᔪᓂᒡᓘᓐᓃᑦ ᓄᓇᕗᑦ ᒐᕙᒪᖓᑕ ᐃᓄᓕᕆᔨᒃᑯᖏᓐᓄᑦ ᐱᓇᔪᖁᓪᓗᒋᑦ ᒪᓕᒐᑎᒍᑦ ᐃᑲᔪᖅᑕᐅᔪᒪᓂᕐᒥᒃ. ᐆᒃᑑᑎᒋᓗᒍ, ᐊᐱᕆᔭᐅᒍᕕᑦ ᐊᑎᓕᐅᖁᔭᐅᓗᑎᑦ ᐸᕐᓇᐅᑎᒥᒃ ᑲᒪᒋᔭᐅᔪᒧᑦ ᐅᕝᕙᓘᓐᓃᑦ ᐱᔨᑦᑎᕋᕐᓂᕐᒧᑦ ᐊᖏᖃᑎᒌᒍᑎᒥᒃ, ᐅᖄᓚᖁᕙᑦᑎᒋᑦ ᒪᓕᒐᕐᓂᒃ ᑐᑭᓯᓂᐊᕐᕕᒃᑯᑦ ᐱᓇᔪᖕᓂᐊᕐᓗᑎᑦ ᐅᖃᖃᑎᖃᕐᓗᑎᓪᓗ ᒪᓕᒐᓕᕆᔨᒥᒃ ᐱᔪᓐᓇᐅᑎᕕᑦ ᒥᒃᓵᓄᑦ ᖃᓄᐃᓐᓇᔭᕐᒪᖔᓪᓗ ᐊᑎᓕᐅᕈᕕᐅᒃ ᐊᖏᖃᑎᒌᒍᑕᐅᔪᖅ.
ᕿᑐᕐᙵᑎᑦ ᐊᖏᕐᕋᔅᓯᓐᓂ ᐊᖅᓵᖅᑕᐅᓐᓂᕈᑎᒃ ᐃᓄᓕᕆᔨᒃᑯᓐᓂᑦ, ᐊᔪᖅᑎᑕᐅᙱᓐᓇᓱᒋᔭᐅᕗᑎᑦ ᒪᓕᒐᓕᕆᓂᕐᒧᑦ ᐃᑲᔪᖅᑕᐅᓂᕐᒥᒃ. ᑕᒪᓐᓇ ᑐᑭᖃᖅᐳᖅ ᒪᓕᒐᓕᕆᔨᒧᑦ ᐃᑲᔪᖅᑕᐅᑲᐅᑎᒋᓂᐊᖅᐳᑎᑦ, ᑭᓯᐊᓂ ᓱᓕ ᑕᑕᑎᕆᔭᕆᐊᖃᖅᐳᑎᑦ ᐱᓇᔫᑎᒥᒃ. ᑮᓇᐅᔭᑎᒍᑦ ᐊᔪᖅᑎᑕᐅᒍᕕᑦ, ᐃᑲᔪᕐᓂᐊᖅᐸᑦᑎᒋᑦ ᓇᓂᓯᓇᓱᒡᓗᑕ ᓄᑖᒥᒃ ᓴᐳᓐᓂᐊᖅᑎᒃᓴᒥᒃ. ᓯᕗᓪᓕᐅᑎᔪᒪᔭᕗᑦ ᐃᑲᔪᕐᓗᓯ ᕿᑐᕐᖓᔅᓯᓐᓂᒡᓗ ᓄᑕᖅᑲᓯ ᖃᓄᐃᙱᑦᑎᐊᕈᓐᓇᕐᓂᔅᓯᓐᓄᑦ ᐱᔾᔪᑎᔅᓯᓐᓂ ᖃᐅᔨᒪᑦᑎᐊᕈᒪᓂᕐᒧᑦ ᐃᓕᖕᓅᖓᔪᑦ ᕿᑐᕐᙵᕐᓄᓪᓗ ᐱᔪᓐᓇᐅᑎᑦ ᓴᐳᔾᔭᐅᓯᒪᒐᓗᐊᕐᒪᖔᑕ.
ᓄᑖᖅ ᒪᓕᒐᓕᕆᔨ. ᓯᕗᓪᓕᐅᑎᔪᒪᔭᕗᑦ ᐃᑲᔪᕐᓗᓯ ᕿᑐᕐᖓᔅᓯᓐᓂᒡᓗ ᓄᑕᖅᑲᓯ ᖃᓄᐃᙱᑦᑎᐊᕈᓐᓇᕐᓂᔅᓯᓐᓄᑦ ᐱᔾᔪᑎᒃᓯᓐᓂ ᖃᐅᔨᒪᑦᑎᐊᕈᒪᓂᕐᒧᑦ ᐃᓕᖕᓅᖓᔪᑦ ᕿᑐᕐᖓᕐᓄᓪᓗ ᐱᔪᓐᓇᐅᑎᑦ ᓴᐳᔾᔭᐅᓯᒪᒐᓗᐊᕐᒪᖔᑕ.
ᕿᑐᕐᖓᕋ ᑎᑎᖅᑲᓂᒃ ᑐᓂᔭᐅᓚᐅᕐᒪᑦ ᐃᓄᓕᕆᔨᒃᑯᓐᓂᑦ. ᖃᓄᐃᓕᐅᕐᓂᐊᓕᖅᐱᑕ?
ᕿᑐᕐᙵᐃᑦ 12 ᐅᖓᑖᓂ ᐅᑭᐅᖃᖅᐸᑦ, ᕿᑐᕐᙵᐃᑦ ᐱᔪᓐᓇᐅᑎᖃᖅᐳᖅ ᐃᓚᐅᔪᓐᓇᕐᓂᕐᒥᒃ ᐃᖅᑲᖅᑐᐃᕕᖕᒥ. ᖃᑕᙳᑎᒌᑦ ᐱᔨᑦᑎᕋᖅᑏᑦ ᑐᓂᓯᔭᕆᐊᖃᖅᐳᑦ ᑎᑎᖅᑲᓂᒃ
ᓱᕈᓯᓕᕆᓂᕐᒧᑦ ᑲᒪᒋᔭᐅᔾᔪᑎᒋᔭᕐᓄᑦ.
ᕿᑐᕐᙵᐃᑦ ᐱᔪᓐᓇᐅᑎᖃᕆᕗᖅ ᒪᓕᒐᓕᕆᔨᖃᕆᐊᒃᓴᖅ
ᐃᓚᐅᔪᒪᒍᑎᒃ ᐃᖅᑲᖅᑐᐃᕕᖕᒥ. ᒪᓕᒐᕐᓂᒃ ᑐᑭᓯᓂᐊᕐᕕᒃᑯᑦ ᕿᑐᕐᖓᕐᓂᒃ ᒪᓕᒐᓕᕆᔨᖃᖅᑎᑦᑎᓂᐊᖅᑐᑦ. ᕿᑐᕐᙵᐃᑦ ᐅᖃᖃᑎᖃᕈᓐᓇᕐᓂᐊᖅᐳᖅ ᓴᐳᓐᓂᐊᖅᑎᒥᓄᑦ ᑭᓱᒥᒃ ᐱᔪᒪᖕᒪᖔᕐᒥᓂᒃ, ᑖᓐᓇᓗ ᒪᓕᒐᓕᕆᔨ ᐃᖅᑲᖅᑐᐃᕕᖕᒧᐊᕋᔭᖅᖢᓂ ᕿᑐᕐᙵᕐᓄᑦ.
ᐱᑦᑎᐊᖅᑕᐅᖃᑦᑕᙱᑦᑐᒥᒃ ᐊᐃᑉᐸᖃᕋᒪ, ᖃᓄᕐᓕ ᒪᓕᒐᕐᓂᒃ ᑐᑭᓯᓂᐊᕐᕕᒃᑯᑦ ᐃᑲᔪᕈᓐᓇᖅᐸᑦ?
ᑐᐊᕕᕐᓇᖅᑐᒃᑯᑦ ᒪᓕᒐᑎᒍᑦ ᐃᑲᔪᖅᑕᐅᔭᕆᐊᖃᕈᕕᑦ ᖃᑕᙳᑎᖕᓄᑦ ᐱᔾᔪᑎᓕᖕᓄᑦ, ᐅᕙᑦᑎᓐᓄᑦ ᐅᖄᓚᑲᐅᑎᒋᓗᑎᑦ ᐊᐱᕆᓗᑎᓪᓘᓐᓃᑦ ᕿᒫᕝᕕᖕᒥ ᐅᕙᑦᑎᓐᓂᑦ ᖃᐅᔨᒋᐊᖁᔨᓗᑎᑦ. ᒪᓕᒐᓕᕆᓂᕐᒧᑦ ᐃᑲᔪᖅᑕᐅᓂᕐᒧᑦ ᐱᓇᔪᓕᕈᕕᑦ, ᐃᖅᑲᖅᑐᐃᕕᖕᒥ ᐃᑲᔪᖅᑎ ᐅᖃᐅᑎᓂᐊᖅᐸᐃᑦ ᐱᑦᑎᐊᖅᑕᐅᙱᓐᓂᕐᓂᒃ ᑕᒪᓐᓇ ᐊᒃᑐᐃᔾᔪᑕᐅᑐᐃᓐᓇᕆᐊᖃᕐᒪᑦ ᓱᒃᑲᓕᔪᒥᒃ ᐱᓇᔫᑎᑦ ᐱᓕᕆᐊᖑᓂᖓᓂᒃ.
ᐅᖃᖃᑎᖃᖁᔨᖕᒥᔪᒍᑦ ᐱᕋᔭᒃᑐᓄᑦ ᓴᐳᓐᓂᐊᖅᑎᒥᒃ.
ᑐᐊᕕᕐᓇᖅᑐᒃᑯᑦ ᓴᐳᒻᒥᔾᔪᑎᑖᕈᒪᔪᖓ, ᒪᓕᒐᓕᕆᓂᕐᒧᑦ ᐃᑲᔪᖅᑕᐅᔪᓐᓇᖅᐳᖓ?
ᒪᓕᒐᕐᓂᒃ ᑐᑭᓯᓂᐊᕐᕕᒃᑯᑦ ᓴᐳᓐᓂᐊᖅᑎᓂᒃ ᐃᑲᔪᖃᑦᑕᙱᑦᑐᑦ ᐃᓄᖕᓂᒃ ᑐᐊᕕᕐᓇᖅᑐᒃᑯᑦ ᓴᐳᔾᔭᐅᓯᒪᓂᕐᒧᑦ ᑎᓕᓯᔾᔪᑎᒥᒃ ᑐᒃᓯᕋᖅᑎᓪᓗᒋᑦ. ᐃᑲᔪᖅᑕᐅᔪᓐᓇᖅᐳᑎᑦ ᓄᓇᔅᓯᓐᓂ ᓄᓇᓕᖕᓂ ᒪᓕᒐᓕᕆᓂᕐᒧᑦ ᑐᓴᐅᒪᑎᑦᑎᔨᒧᑦ.
ᑐᐊᕕᕐᓇᖅᑐᒥᑦ ᓴᐳᒻᒥᔾᔪᑎᒥᑦ ᐸᓯᔭᒃᓴᐅᒐᒪ, ᒪᓕᒐᓕᕆᓂᖕᒧᑦ ᐃᑲᔪᖅᑎᑖᕋᓱᒍᓐᓇᖅᐳᖔ ᐊᐃᕙᔾᔪᑎᒋᓂᐊᕐᓗᒍ?
ᒪᓕᒐᕐᓂᒃ ᑐᑭᓯᓂᐊᕐᕕᒃᑯᑦ ᓴᐳᓐᓂᐊᖅᑎᓂᒃ ᐱᑎᑦᑎᕙᙱᑦᑐᑦ ᐃᑲᔪᕐᓂᐊᖅᑐᓂᒃ ᐃᓄᖕᓂᒃ ᑭᐅᓯᔪᓐᓇᕐᓗᑎᒃ ᐊᐃᕙᖃᑎᖃᕐᓗᑎᒡᓗ ᑐᐊᕕᕐᓇᖅᑐᒃᑯᑦ ᓴᐳᔾᔨᓯᒪᓂᕐᒧᑦ ᑎᓕᓯᔾᔪᑎᒥᒃ ᐱᔭᕆᐊᖃᙱᓐᓂᖓᓂᒃ. ᐅᖃᖃᑎᖃᖁᔨᕗᒍᑦ ᓄᓇᔅᓯᓐᓂ ᓄᓇᓕᖕᓂ ᒪᓕᒐᓕᕆᓂᕐᒧᑦ ᑐᓴᐅᒪᑎᑦᑎᔨᒧᑦ.
ᕿᒪᒃᑲᑯᓂᒃ ᑎᑎᕋᕈᒪᒐᒪ ᐊᒻᒪ/ᐅᕝᕙᓘᓐᓃᑦ ᐱᔪᓐᓇᐅᑎᑖᖅᑎᑦᑎᔪᒪᔪᖓ, ᓇᑭᑦ ᐃᑲᔪᖅᑕᐅᔪᓐᓇᖅᐳᖓ?
ᒪᓕᒐᕐᓂᒃ ᑐᑭᓯᓂᐊᕐᕕᒃᑯᑦ ᐊᑭᓖᖃᑦᑕᙱᑦᑐᑦ ᕿᒪᒃᑲᑯᓂᒃ ᐊᒻᒪᓗ ᐱᔪᓐᓇᐅᑎᓂᒃ ᐱᖁᑎᓄᑦ ᐊᒻᒪᓗ ᐃᒻᒥᒧᑦ ᐸᖅᑭᔭᐅᓂᕐᒧᑦ. ᕿᒪᒃᑲᑯᓂᒃ ᑎᑎᕋᕈᒪᒍᕕᑦ, ᖃᐅᔨᒋᐊᖁᕙᑦᑎᒋᑦ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᓄᑦ ᓄᓇᕗᒻᒥ ᐃᑲᔪᕈᓐᓇᕋᔭᕐᒪᑕ ᓇᓂᓯᓗᑎᑦ ᒪᓕᒐᓕᕆᔨᒃᓴᒥᒃ.
ᐃᓚᒪ ᐃᓚᖓᓂ ᐃᓅᔪᓐᓃᖅᑐᖃᓚᐅᖅᐳᖅ, ᐅᖃᐅᔾᔭᐅᓚᐅᖅᐳᖓᓗ ᒪᓕᒐᓕᕆᔨᑖᖁᔭᐅᓪᓗᖓ. ᒪᓕᒐᕐᓂᒃ ᑐᑭᓯᓂᐊᕐᕕᖕᒧᐊᕈᓐᓇᖅᐳᖔ ᐃᑲᔪᖅᑕᐅᔪᒪᓗᖓ?
ᐊᐃᑦᑖᖑᒐᓗᐊᖅ, ᒪᓕᒐᕐᓂᒃ ᑐᑭᓯᓂᐊᕐᕕᒃᑯᑦ ᐊᑭᓖᖃᑦᑕᖏᒻᒪᑕ
ᐱᔾᔪᑕᐅᔪᑦ ᐱᖁᑎᒋᔭᐅᔪᓄᑦ. ᐃᑲᔪᖅᑕᐅᔪᒪᒍᕕᑦ ᒪᓕᒐᓕᕆᓂᒃᑯᑦ ᐃᓚᖕᓂᑦ ᐃᓅᔪᓐᓃᖅᑐᖃᓚᐅᖅᑎᓪᓗᒍ, ᖃᐅᔨᒋᐊᖁᕙᑦᑎᒋᑦ ᐃᑲᔫᓯᐊᒃᓴᓄᑦ ᐊᐅᓚᑦᑎᔨᒧᑦ: https://www.gov.nu.ca/en/department-justice/public-trustee-and-guardian
ᖃᐅᔨᒋᐊᕐᕕᒋᔪᓐᓇᕐᒥᔭᑎᑦ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᑦ ᓄᓇᕗᒻᒥ ᐊᐱᕆᓗᑎᓪᓗ ᑎᑎᕋᖅᓯᒪᔪᓂᒃ ᓴᐳᓐᓂᐊᖅᑎᓂᒃ ᑲᒪᒋᔭᖃᖅᐸᒃᑐᓂᒃ ᐱᖁᑎᒋᔭᐅᔪᓂᒃ.
ᐃᓚᐃᓐᓈᖅᑕᐅᖃᑦᑕᖅᓯᒪᒐᒪ. ᒪᓕᒐᓕᕆᓂᕐᒧᑦ ᐃᑲᔪᖅᑎ ᐅᕙᓐᓂᒃ ᐃᑲᔪᕈᓐᓇᖅᐹ?
ᐱᒻᒪᕆᐅᕗᖅ ᑐᓴᐅᒪᑎᑉᐸᒡᓗᑎᒍᑦ ᖃᐅᔨᒋᐊᕐᕕᒃᓴᑎᑦ ᐊᓯᔾᔨᕈᑎᒃ (ᐅᖄᓚᐅᑦ ᓇᐃᓴᐅᑎᐊ, ᐃᕐᖐᓐᓈᖅᑕᐅᑦ, ᐊᖏᕐᕋᖅᐱᑦ ᑐᕌᕈᑖ, ᑎᑎᖅᑲᒃᑯᕕᐅᑉ ᑐᕌᕈᑖ) ᐅᕝᕙᓘᓐᓃᑦ ᑮᓇᐅᔭᓕᐊᕕᑦ ᒥᒃᓵᓅᖓᔪᑦ ᐊᓯᔾᔨᕈᑎᒃ (ᓄᑖᖅ ᐃᖅᑲᓇᐃᔭᕐᕕᒃ, ᓄᑖᖅ ᑮᓇᐅᔾᔭᒃᓵᖅ, ᓄᑖᖅ ᐃᖅᑲᓇᐃᔮᕕᑦ ᑕᐃᒎᓯᖓ). ᓴᐳᓐᓂᐊᖅᑎᖃᕈᕕᑦ, ᑖᒃᑯᐊ ᑐᓴᖅᑕᐅᑎᑉᐸᒡᓗᒋᑦ ᓴᐳᓐᓂᐊᖅᑎᒋᔭᕐᓄᑦ. ᓴᐳᓐᓂᐊᖅᑎᖃᙱᒃᑯᕕᑦ, ᖃᐅᔨᒋᐊᕐᕕᒋᓗᒍ ᐊᕕᒃᓯᒪᓂᕐᓂ ᐃᓗᐊᖅᓴᖅᑕᐅᕝᕕᒃ ᓄᑖᙳᕆᐊᖅᑎᑦᑐᒪᓗᒍ ᑐᓴᖅᑕᐅᔪᒃᓴᖁᑎᑎᑦ.
ᐊᐱᖅᑯᑎᒐᓕ ᑭᐅᔭᐅᓵᙱᒻᒪᑦ ᐅᕙᓂ. ᑭᓇᒧᑦ ᐅᖄᓚᓇᔭᖅᐳᖓ?
ᖃᐅᔨᒋᐊᕐᕕᒋᓗᒍ ᐊᕕᒃᓯᒪᓂᕐᓂ ᐃᓗᐊᖅᓴᖅᑕᐅᕝᕕᒃ ᐃᑲᔪᖅᑕᐅᔪᓐᓇᕐᓂᐊᖅᐳᑎᑦ.
