ᒪᓕᒐᑦᑎᒍ ᐱᔨᔅᓯᕈᑏᑦ ᓄᓇᕗᒻᒧᑦ ᐱᕋᔭᓐᓂᒻᒥ, ᐃᓚᒌᓄᑦ, ᐊᒻᒪ ᐃᓅᖃᑎᒋᓄᑦ ᐱᖁᔭᖅ.
ᒪᓕᒐᑦᑎᒍ ᐱᔨᔅᓯᕈᑏᑦ ᓄᓇᕗᒻᒧᑦ
ᐱᖃᑦᑕᕋᓗᐋᑦᑎᓪᓗᑕ ᒐᕙᒪᒃᑯᓂᑦ ᑮᓇᐅᔭᖃᑦᑎᑕᐅᒍᑎᓂᒃ, ᓄᓇᕗᑦ ᒪᓕᒐᓕᕆᔨᑦ ᒐᕙᒪᒃᑯᓂᑦ ᐱᓕᕆᕕᐅᖏᒻᒪᑦ. ᒐᕙᒪᒃᑯᓂ ᑭᒡᒐᑦᑐᐃᔨᐅᑎᓪᓗᑕ, ᐊᐅᓚᓂᖃᓲᖑᒐᑦᑕ ᐃᒻᒥᓂᔅᓱᓪᓗᑕ ᓄᓇᕗᑦ ᒐᕙᒪᒃᑯᓂᒃ.
ᐅᕙᑦᑎᓐᓂᒃ ᐅᖃᐅᓯᓕᑦ
ᒪᓕᒐᓕᕆᓂᕐᒧᑦ ᐱᓕᕆᕝᕕᑦ ᑲᑎᒪᔨᖏᑦ ᓄᓇᕗᒻᒥ (LSB) ᐃᓚᓕᐅᑎᔭᐅᓚᐅᒻᒪᑦ ᔪᓚᐃ 2000−ᒥ, ᐅᖃᔅᓯᒪᓂᖏᓐᓄᑦ ᐃᒻᒥᒃᑰᖓᓂᖅ 3(1) ᒪᓕᒐᑦᑎᒍ ᐱᔨᔅᓯᕈᑎᓄᑦ ᒪᓕᒐᖅ, ᐋᖅᑭᒋᐊᖅᓯᒪᔪᖅ ᒪᓕᒐᖅᑎᒍᕆᐊᖃᓂᖓᓄᑦ ᓄᓇᑦᓯᐊᖅ 1988, ᐅᖃᓕᒫᒐᐅᓂᖓ 14. ᐃᒪᓐᓇᐅᓂᖓᓄᑦ ᓄᓇᓕᖃᕕᐅᔪᑉ ᒪᓕᒐᑦᑎᒍ ᐃᑲᔪᕈᑎᓄᑦ ᐸᕐᓇᒍᑎ, ᒪᓕᒐᓕᕆᓂᕐᒧᑦ ᐱᓕᕆᕝᕕᑦ ᑲᑎᒪᔨᖏᑦ ᑲᒪᒋᔭᖃᒻᒪᑕ ᐱᔭᐅᑎᑦᑎᓂᒻᒥᒃ ᒪᓕᒐᑦᑎᒍ ᐱᔨᔅᓯᕈᑎᓂᒃ ᑮᓇᐅᔭᑎᒍ ᐱᒍᓐᓇᑦᑎᑕᐅᔪᓂᒃ ᓄᓇᕗᒻᒥᐅᓂᒃ ᐱᕋᔭᒃᑐᓕᕆᓂᒻᒥ, ᐃᓚᒌᓂ ᐊᒻᒪᓗ ᐃᓅᖃᑎᒋᓂ ᐱᖁᔭᖏᓐᓃᑦᑐᓂᒃ.
ᖃᑎᖃᑎᖃᓚᐅᕆᑦ ᐅᕙᑦᑎᓐᓂᒃ ᓇᔪᓪᓗᑕ
ᐊᕕᑦᑐᔅᓯᒪᓂᒻᒥ ᑕᑯᔭᐅᕕᑉᐳᑦ
ᒪᓕᒐᓕᕆᓂᕐᒧᑦ ᐱᓕᕆᕝᕕᑦ ᑲᑎᒪᔨᖏᑕ ᐊᕕᑦᑐᔅᓯᒪᓂᒻᒥ ᒪᓕᒐᑦᑎᒍ ᐃᑲᔪᑦᑕᐅᕕᖏᑦ ᐃᖃᓗᒃᑑᑦᑎᐊᒻᒦᒻᒪᑕ (ᕿᑎᕐᒥᐅᑦ ᐱᖁᔭᓕᕆᕕᖓᓂ), ᑲᖏᖅᖠᓂᕐᒥ (ᑭᕙᓪᓕᖅ ᒪᓕᒐᓕᕆᓂᒻᒥ ᐱᔨᔅᓯᕈᑎᖏᓐᓂ), ᐊᒻᒪᓗ ᐃᖃᓗᓐᓂ (ᒪᓕᒐᕐᓂᒃ ᑐᑭᓯᓂᐊᒃᕕᒻᒥ). ᐊᑐᓂ ᑕᑯᔭᐅᕕᑦ ᐃᖅᑲᓇᐃᔭᑦᑎᖃᑦᑎᑕᐅᒻᒪᑕ ᓈᒪᓕᑦᑎᑕᐅᓪᓗᑎᒃ ᐃᓚᒌᓄᑦ ᐊᒻᒪᓗ ᐱᕋᔭᑦᑐᓕᕆᓂᒻᒧᑦ ᒪᓕᒐᑦᑎᒍ ᐃᑲᔪᑦᑎᓂᒃ, ᐊᒡᓚᒡᕕᓕᕆᓂᒻᒥ ᐃᑲᔪᑦᑕᐅᒍᑎᓄᑦ, ᐊᒻᒪᓗ ᐃᖅᑲᑦᑐᐃᕕᒻᒥ ᐃᖅᑲᓇᐃᔭᑦᑎᓄᑦ. ᐃᖅᑲᑦᑐᐃᕕᒻᒥᒃ ᐃᖅᑲᓇᐃᔭᑦᑏᑦ ᐃᖅᑲᓇᐃᔭᒻᒪᑕ ᐃᓗᐊᓂ ᑕᑯᔭᐅᕕᐅᓲᓂ ᐊᒻᒪᓗ ᓄᓇᓕᓐᓂ.
ᑭᕙᓪᓕᖅ ᒪᓕᒐᑦᑎᒍ ᐱᔨᔅᓯᕈᑎᖏᑦ
ᑭᕙᓪᓕᖅ ᒪᓕᒐᑦᑎᒍ ᐱᔨᔅᓯᕈᑎᖏᑦ ᑕᐃᔭᐅᕙᓚᐅᔅᓯᒪᔪᓂᒃ ᑮᐅᐃᑕᓐ ᒪᓕᒐᑦᑎᒍ ᐱᔨᑦᓯᑦᑕᐅᒍᑎᓂᒃ ᐱᔭᐅᑎᑦᑎᔨᑦ ᒪᓕᒐᑦᑎᒍ ᐃᑲᔪᑦᑕᐅᒍᑎᒧᑦ ᐱᔨᑦᓯᕈᑎᓂᒃ ᓄᓇᖃᑦᑎᐅᔪᓄᑦ ᑭᕙᓪᓕᐅᑉ ᐊᕕᑦᑐᔅᓯᒪᓂᖏᓐᓂ. ᑕᑯᔭᐅᕕᒃ ᐱᒐᔅᓴᐅᑎᑦᑎᒻᒪᑦ ᐃᑲᔪᑦᑕᐅᒍᑎᒥᒃ ᐊᔾᔨᒌᖏᑦᑑᑎᓂ ᒪᓕᒐᑦᑎᒍ ᐱᓕᕆᐋᕆᔭᐅᒋᐋᓕᓐᓂᒃ, ᓲᓪᓗ ᒪᑯᓂᖓ ᐱᕋᔭᑦᑐᓕᕆᓂᒻᒥ ᐱᖁᔭᒻᒥ, ᐃᓚᒌᓄᑦ ᐱᖁᔭᒻᒥ, ᐊᒻᒪᓗ ᐊᓯᖏᓐᓂ ᒪᓕᒐᑦᑎᒍ ᐊᑲᐅᙱᓕᐅᕈᑎᒋᔭᐅᔪᓂᒃ. ᐃᖅᑲᓇᐃᔭᕕᒃ ᐱᓕᕆᒐᓱᐋᒻᒪᑦ ᐱᔭᐅᑎᑦᑎᒐᓱᐋᓪᓗᓂ ᐃᖅᑲᑦᑐᐃᕕᒃᑰᕈᑎᓂᒃ ᑕᐃᒃᑯᓄᖓ ᐊᑭᓖᒍᓐᓇᕋᔭᖏᑦᑐᓄᑦ ᒪᓕᒐᑦᑎᒍ ᑭᒡᒐᑦᑐᑦᑕᐅᒍᑎᓂᒃ ᐱᒐᓱᒃᑲᔭᓂᕋᓗᐋᑉᐸᑕ.
ᕿᑎᕐᒥᐅᑦ ᐱᖁᔭᓕᕆᕕᖓᓂ
ᑕᐅᕙᓂᑦᑐᖅ ᓂᒋᐋᓂ ᓯᒡᔭᖓᑕ ᐃᖃᓗᑦᑑᑦᑎᐊᑉ ᕿᑭᖅᑕᖓᓂ, ᕿᑎᕐᒥᐅᑦ ᐱᖁᔭᓕᕆᕕᖓᓂ ᐃᖃᓗᒃᑐᑦᑎᐊᒻᒥ ᐅᐱᒍᓱᓂᖃᒻᒪᑕ ᑲᓇᑕᒥ ᐅᑭᐅᑦᑕᑦᑐᒦᓂᑉᐸᖑᔪᒥᒃ ᒪᓕᒐᑦᑎᒍ ᐃᑲᔪᑦᑕᐅᒍᑎᖃᕕᒻᒥᒃ ᑕᑯᔭᐅᕕᖃᓂᖏᓐᓂᒃ.
ᒪᓕᒐᕐᓂᒃ ᑐᑭᓯᓂᐊᕐᑯᒃ ᒪᓕᒐᓕᕆᔨᒃᑯᑦ
ᒪᓕᒐᕐᓂᒃ ᑐᑭᓯᓂᐊᕐᕕᒃ ᐊᐅᓚᒋᐋᓕᓚᐅᒡᓯᒪᒻᒪᑦ ᐃᖃᓗᓂ 1974−ᒥᓂᑦ. ᑕᐃᒪᖓᓂᑦ ᐊᒻᒪᓗ ᓄᓇᕗᑦ ᐊᕝᕗᑎᑎᓪᓗᒍ ᓄᓇᔅᓯᐊᒻᒥᒃ, ᑖᓐᓇᑑᓪᓗᓂ ᒪᓕᒐᑦᑎᒍ ᐱᔨᔅᓯᕈᑎᑐᐋᖑᓚᐅᔅᓯᒪᒻᒪᑦ ᓄᓇᕗᒥᐅᓄᑦ. ᑕᐃᒪᖓᓂᑦ, ᑕᑯᔭᐅᕕᒃ ᐱᕈᔅᓯᒪᓕᒻᒪᑦ ᐱᖃᓯᐅᔾᔨᓕᓪᓗᓂ ᐅᓄᑦᑐᓂᒃ ᒪᓕᒐᑦᑎᒍ ᐃᑲᔪᑦᑎᓂᒃ ᐱᕋᔭᑦᑐᓕᕆᓂᒻᒥ, ᐃᓚᒌᓂ, ᐊᒻᒪᓗ ᐃᓅᖃᑎᒋᑦᑐᓕᕆᓂᒻᒥ ᐱᓕᕆᓂᖑᔪᒥᒃ. ᐱᑕᖃᕆᓪᓗᓂᓗ ᐊᒥᓱᓂᒃ ᐃᓄᒃᑎᑐᑦ−ᐅᖃᓚᓲᓂᒃ ᐱᓕᕆᖄᙵᐅᑕᐅᕙᑦᑐᓂᒃ ᐃᖅᑲᓇᐃᔭᑦᑎᓂᒃ ᑕᐃᒃᑯᓂᖓ ᐃᑲᔪᑉᐸᒃᑐᓂᒃ ᐃᑲᔪᑦᑕᐅᑎᑉᐸᒃᑐᓂᒃ ᐅᖄᓚᐅᑎᒃᑯᑦ, ᐃᕐᖐᓐᓇᑦᑕᕈᑎᒃᑯᑦ, ᐅᕝᕙᓘᓐᓃᑦ ᑕᑯᔭᐅᕕᔅᓴᓕᐅᔅᓯᒪᓂᒃᑯᑦ. ᐃᓚᒃᑲᓂᖏᑦ ᐱᔨᑦᓯᕈᑏᑦ ᓲᕐᓗ ᐊᑎᓕᐅᑦᑎᓂᒃ ᓱᓕᓂᕋᕈᑎᓂᒃ ᐊᒻᒪᓗ ᐊᑎᓕᐅᑦᑎᑦᑎᔨᓂᒃ ᐱᔨᑦᓯᕈᑎᒥᒃ ᐱᔭᐅᒍᓐᓇᒻᒪᑕ ᑕᑯᔭᐅᕕᔅᓴᓕᐅᔅᓯᒪᓗᓂ.
ᐱᒋᐋᖃᑉᐲᑦ ᒪᓕᒐᑦᑎᒎ ᐃᑲᔪᑦᑕᐅᒍᑎᒥᒃ ᐃᑲᔪᑦᑕᐅᒍᑎᖃᕈᒪᓪᓗᑏᑦ?
ᒪᓕᒐᑦᑎᒍ ᐃᑲᔪᑦᑕᐅᒍᑎᒥᒃ ᑐᔅᓯᕋᑎᐅᑉ ᐱᓕᕆᐋᕆᔭᐅᓂᖓ
ᐱᒍᓐᓇᑎᑕᐅᓂᐋᕈᕕᑦ ᒪᓕᒐᑦᑎᒍ ᐃᑲᔪᑦᑕᐅᒍᑎᒥᒃ, ᑎᑎᕋᔅᓯᒪᔪᓅᔅᓯᒋᐊᖃᑦᑐᑎᑦ ᑕᑕᑎᓪᓗᒋᑦ ᑐᔅᓯᕋᐅᑎᑦ ᐃᑲᔪᑦᑕᐅᓗᑎᑦ ᐃᖅᑲᑦᑐᐃᑯᒻᒥ ᐃᖅᑲᓇᐃᔭᑦᑎᒧᑦ ᖃᓂᒋᓛᓐᓂ ᐊᕕᑦᑐᔅᓯᒪᓂᒻᒥ ᑕᑯᔭᐅᕕᒻᒥ. ᐃᖅᑲᓇᐃᔭᑦᑎ ᐱᔭᐅᑎᑦᑎᖁᔨᓂᐋᒻᒪᑦ ᓇᓗᓇᐃᔭᔅᓯᒪᔪᓂᒃ ᑭᓱᓂᒃ ᐃᑲᔪᑦᑕᐅᒍᑎᖃᕈᒪᒻᒪᖔᑉᐱᑦ, ᐱᒍᒪᓂᐋᒻᒥᒻᒪᑕ ᒪᕐᕈᓂᒃ ᑭᓇᐅᒻᒪᖔᑉᐱᑦ ᓇᓗᓇᐃᕈᑏᓐᓂᒃ ᐊᒻᒪᓗ ᒪᕐᕉᓐᓂᒃ ᐊᑭᓕᑦᑕᐅᒍᑎᓐᓄᑦ ᓇᓕᖅᑳᓐᓂᒃ. ᑕᐃᒪᓕ ᐃᖅᑲᓇᐃᔭᖏᒃᑯᕕᑦ, ᐱᒍᒪᕕᐅᒍᓐᓇᑦᑐᑎᑦ ᓇᓗᓇᐃᔅᓯᒍᑏᓐᓂᒃ ᐃᓄᓕᕆᔨᒃᑯᑎᒍ ᐃᑲᔪᑦᑕᐅᒍᑏᓐᓂᒃ, ᑭᖑᓕᑉᐹᒍᓚᐅᑦᑐᒃ ᒪᕐᕉᓂ ᐊᕐᕌᒍᓂ ᑲᓇᑕᒥ ᑮᓐᓇᐅᔭᓕᐅᕈᑎᖃᓂᒻᒥ ᑭᒡᒐᑦᑐᐃᔨᒃᑯᓂᑦ ᑐᓴᑦᑎᑦᑎᒍᑎ ᖃᐅᔨᓴᑦᑕᐅᒍᑎᓂᒃ, ᐅᕝᕙᓘᓐᓃᑦ ᑭᓱᑐᐃᓐᓇᓂᒃ ᐊᓯᖏᓐᓂᒃ ᐱᔭᐅᑎᑦᑎᒍᑎᒋᒍᓐᓇᑦᑕᓂᒃ ᐃᕝᕕᑦ ᑮᓇᐅᔭᑎᒍ ᑮᓇᐅᔭᑦᑖᕈᑎᒋᒍᓐᓇᑦᑕᓐᓂᒃ.
ᐅᖃᓚᐅᕆᑦ ᐅᕙᑦᑎᓐᓄᑦ
ᐱᒍᓐᓇᑦᑐᑎᑦ ᐃᓅᖃᑎᒋᓂ ᒪᓕᒐᑦᑎᒍ ᐃᑲᔪᑦᑎᒥᒃ ᐃᒡᓗᓕᕆᓂᒻᒥ, ᐃᖅᑲᓇᐃᔭᓂᒻᒥ, ᐅᕝᕙᓘᓐᓃᑦ ᐊᓯᖏᓐᓂ ᐱᓕᕆᐊᕆᔭᐅᔪᓂᒃ ᐊᑏ ᐅᖄᓚᕕᒋᓚᐅᒃᑭᑦ
ᐅᖃᕕᖃᖁᓪᓗᑎᑦ ᐃᓚᒋᑦᑐᓕᕆᓂᒻᒥ ᒪᓕᒐᑦᑎᒍ ᐃᑲᔪᑦᑎᒥᒃ ᑕᒪᒃᑯᓂᖓ ᐱᓕᕆᐊᕆᔭᐅᖏᓐᓇᑦᑐᓂᒃ ᑎᑎᕋᒃᓯᒪᔪᖁᑎᓂᒃ ᐅᕝᕙᓘᓐᓃᑦ ᓱᕈᓯᒻᒥᒃ ᐊᒻᒪᓗ ᐃᓚᒌᓂ ᐱᔨᔅᓯᕈᑎᓂᒃ ᐃᖅᑲᒃᑐᐃᕕᒃᑰᑦᑎᑕᐅᒐᓱᐊᑦᑐᓂᒃ, ᐊᑏ ᐅᖄᓚᕕᒋᓚᐅᒃᑭᑦ:
ᐅᖃᕕᖃᖁᓪᓗᑎᒃ ᐱᕋᔭᑐᓕᕆᔨᒥᒃ ᒪᓕᒐᑦᑎᒍ ᐃᑲᔪᑦᑎᒥᒃ, ᐊᑏ ᐅᖄᓚᕕᒋᓚᐅᕈᒃ:
