ᐃᓕᓐᓂᐊᖃᑕᐅᓐᖏᑦᑐᑎᑦ ᓱᓕ ᑕᒪᑐᒧᖓ ᐃᓕᓐᓂᐊᕈᑎᒧᑦ
ᑐᙵᓱᒋᑦ ᓇᐅᒃᑰᕕᔅᓴᔅᓯᐅᓂᒻᒧᑦ ᒪᓕᒐᑦᑎᒍ ᐋᖅᑭᔅᓱᔅᓯᒪᓂᖓᓄᑦ ᓄᓇᕗᑉ, ᖃᕋᑕᐅᔭᒃᑯᑦ ᐃᓕᓂᐊᕈᑎᒻ ᑐᕌᖓᑎᑕᐅᓗᐊᙳᐋᓪᓗᓂ ᓴᓇᓯᒪᓂᖓ ᒪᓕᒐᑦᑎᒍ ᐃᖅᑲᓇᐃᔭᑦᑎᓚᕆᕈᕋᑖᑦᑐᓄᑦ ᐱᒋᐊᑉᐸᓕᐊᓕᑦᑐᓄᑦ ᓄᓇᕗᑉ ᒪᓕᒐᑦᑎᒍ ᐱᓕᕆᔾᔪᑎᖏᓂᒃ. ᑖᓐᓇ ᐃᓕᓂᐋᕋᔅᓴᖅ, ᐋᖅᑭᔅᓱᑦᑕᐅᓯᒪᒻᒪᑦ ᐱᖓᓲᔪᑦᑐᑦ ᐊᑕᐅᓯᓪᓗ ᐃᓕᓴᒐᔅᓴᐅᓕᑦᑎᑕᐅᓯᒪᓪᓗᑎᒃ, ᐱᒐᔅᓴᐅᑎᑦᑎᓪᓗᓂ ᑕᒪᐃᑎᒍ ᖃᐅᔨᒐᓱᐊᓂᐅᔪᓂᒃ ᐊᑑᑎᖃᓂᑉᐹᖑᓪᓗᑎᒃ ᑭᓱᑯᑦᑎᖏᑦ ᐃᓗᑦᑎᔅᓯᔪᓂᒃ ᓄᓇᓕᖃᕕᐅᔫᑉ ᒪᓕᒐᑦᑎᒍ ᐋᖅᑭᔅᓱᔅᓯᒪᕕᖓᓂᒃ.
ᐃᓕᓴᒐᔅᓴᖅ 1: ᖃᐅᔨᔭᐅᑎᑦᑎᓂᖅ ᓄᓇᕗᑉ ᒪᓕᒐᓕᕆᓂᒻᒧᑦ ᐱᓕᕆᔾᔪᑎᒧᑦ
ᐋᖅᑭᔅᓯᒻᒪᑦ ᑐᙵᕕᖓᓂᒃ ᐅᖃᐅᑎᒋᓗᓂᐅᒃ ᐊᑑᑎᖓ, ᓴᓇᓯᒪᓂᖓ, ᐊᒻᒪᓗ ᐱᓕᕆᓂᕆᓲᖏᓐᓂᒃ ᒪᓕᒐᓕᕆᓂᕐᒧᑦ ᐱᓕᕆᕝᕕᑦ ᑲᑎᒪᔨᖏᓐᓄᑦ, ᐃᓚᒋᔭᐅᓗᑎᒃ ᐊᔾᔨᐅᖏᑦᑐᑦ ᐃᓕᖅᑯᓯᖏᑦ ᓄᓇᕗᑉ ᐊᑕᐅᓯᐅᑉ−ᐃᖅᑲᑦᑐᐃᕕᐅᑉ ᐱᓕᕆᔾᔪᑎᖏᑕ. ᐱᓕᕆᖃᑎᒋᔭᐅᔪᑦ ᑐᑭᓯᐋᓂᔅᓴᐅᓕᓂᐋᒻᒪᑕ ᐱᓕᕆᐋᕆᔭᖏᓐᓂᒃ ᒪᓕᒐᒃᑎᒍ ᐃᖅᑲᓇᐃᔭᑦᑎᓪᓚᕆᑦ ᐊᒻᒪᓗ ᑕᐃᔅᓱᒪᓂᓕᓴᐄᑦ ᐊᒻᒪᓗ ᐃᓕᖅᑯᓯᑦ ᐃᓗᓕᖏᓐᓂᒃ ᑕᐃᒃᑯᓂᖓ ᐊᐅᓚᔾᔭᐃᔪᓂᒃ ᒪᓕᒐᑦᑎᒍ ᐱᓕᕆᒍᓯᓐᓂᒃ ᐊᕕᑦᑐᔅᓯᒪᓂᒻᒥ.
ᐃᓕᓴᒐᔅᓴᖅ 2: ᐃᓄᐃᑦ ᖃᐅᔨᒪᔭᑐᖃᖏᑦ (IQ) ᒪᓕᑦᑕᐅᒋᐋᓕᑦ ᐊᒻᒪᓗ ᒪᓕᒐᑦᑎᒍ ᐱᓕᕆᔾᔪᓯᑦ
ᐱᓕᕆᖃᑎᒋᔭᐅᔪᑦ ᖃᐅᔨᒐᓱᐋᓂᐊᒻᒪᑕ ᐃᓚᓕᐅᑎᔭᐅᓂᖓᓂᒃ ᐃᓄᐃᑦ ᖃᐅᔨᒪᔭᑐᖃᖏᑕ ᒪᓕᑦᑕᐅᒋᐊᖃᓂᖏᓐᓂᒃ ᐃᓗᐊᓂ ᒪᓕᒐᑦᑎᒍ ᐱᓕᕆᔾᔪᑎᑦ, ᐅᖃᐅᓯᖃᓗᐊᙳᐋᑐᑎᒃ ᐃᓅᖃᑎᒋᑦ ᐃᓕᖅᑯᓯᖃᑎᒌᓂᖏᑕ ᐋᖅᑭᔅᓱᔅᓯᒪᓂᖏᓐᓂᒃ ᑕᐃᑯᓂᖓ ᐃᓗᑦᑎᔅᓯᔪᓂᒃ ᒪᓕᒐᑦᑎᒍ ᐱᓕᕆᔾᔪᓯᓐᓂᒃ. ᑖᓐᓇ ᐃᓕᓴᒍᑎ ᐃᑲᔪᓐᓂᐊᒻᒪᑦ ᐱᓕᕆᖃᑎᒋᔭᐅᔪᑉ ᐱᓕᕆᒍᓐᓇᓂᖓᓂᒃ ᓇᐅᒃᑰᕕᔅᓴᔅᓯᐅᕈᓐᓇᓕᓪᓗᓂ ᐱᔭᕆᐋᑐᓂᖏᑎᒍ ᓄᓇᕗᑉ ᒪᓕᒐᑦᑎᒍ ᐋᖅᑭᔅᓱᔅᓯᒪᕕᒋᔭᖏᓐᓂ ᐃᓕᖅᑯᓯᓕᕆᓂᐅᑉ ᐊᓯᕈᔅᓴᕋᐃᓂᖓᒍᑦ ᑕᐅᑐᓗᒋᑦ.
ᐃᓕᓴᒐᔅᓴᖅ 3: ᑕᐃᔅᓱᒪᓂᓕᓴᐃᑦ ᐃᓗᓕᖏᑦ ᐊᒻᒪᓗ ᐊᐅᓚᑕᐅᒐᓱᐋᕈᓃᑦᑎᑕᐅᓂᖏᑦ ᓄᓇᕗᑉ ᒪᓕᒐᑦᑎᒍ ᐱᓕᕆᔾᔪᑎᖓᑕ
ᖃᐅᔨᓇᓱᐋᓪᓗᒋᑦ ᑕᐃᔅᓱᒪᓂᐅᓚᐅᑦᑐᖅ ᐊᓯᕈᑉᐸᓕᐋᓂᕆᓚᐅᑦᑕᖏᑦ ᓄᓇᕗᑉ ᒪᓕᒐᑦᑎᒍ ᐱᓕᕆᔾᔪᑎᖏᑕ, ᐱᓕᕆᐊᖃᓪᓗᐊᑕᓪᓗᓂ ᐊᑦᑐᐃᓂᖏᓐᓂᒃ ᐊᐅᓚᑦᑎᖔᕈᒪᓂᖏᑕ ᐊᒻᒪᓗ ᐊᑕᐅᑦᑎᒃᑰᓪᓗᒋᑦ ᐱᓕᕆᐋᕆᒐᓱᐋᓗᒋᑦ ᐊᐅᓚᑕᐅᒐᓱᐋᕈᓐᓃᓐᓂᐅᔪᑦ. ᖃᐅᔨᒐᓱᐋᓪᓗᒋᑦ ᐱᖅᑯᓯᖏᑎᒍ ᐃᓄᐃᑦ ᐊᐅᓚᑦᑎᓂᑦ ᐊᒻᒪᓗ ᐊᑑᑎᖃᓂᑉᐹᑦ ᑎᑎᕋᒃᓯᒪᔪᖁᑎᑦ ᓲᕐᓗ ᓄᓇᕗᑉ ᓄᓇᕗᑖᕈᑎᑦ ᐊᖏᖃᑎᒌᒍᑎᖏᑦ, ᐱᓕᕆᖃᑎᒋᔭᐅᔪᑦ ᑕᒪᐃᑎᒍᑦ ᑐᑭᓯᐋᓂᔅᓴᐅᓕᓂᐋᒻᒪᑕ ᓄᓇᓕᖃᕕᐅᔪᑉ ᒪᓕᒐᑦᑎᒍ ᐊᒻᒪᓗ ᐃᓕᖅᑯᓯᒃᑯᑦ ᖃᓄᐃᓘᑦᑕᐅᓂᕆᔭᐅᖃᑦᑕᓚᐅᑦᑐᓂᒃ.
ᐃᓕᓴᒐᔅᓴᖅ 4: ᐅᖃᓚᒍᓯᖅ ᐊᒻᒪᓗ ᑮᓇᐅᓂᖅ
ᖃᐅᔨᒐᓱᐋᓂᐅᓂᐋᒻᒪᑦ ᑕᐃᔅᓱᒪᓂᓕᓴᓐᓂᒃ, ᒪᓕᒐᑦᑎᒍ, ᐊᒻᒪᓗ ᐃᓕᖅᑯᓯᐅᑉ ᖃᓄᑎᒋ ᐃᓄᒃᑑᓂᖃᒻᒪᖔᑕ ᐃᓗᐊᓂ ᓄᓇᕗᑉ ᐊᒻᒪᓗ ᑲᓇᑕᐅᑉ. ᐃᓕᑦᑎᓂᐋᒻᒪᑕ ᑕᒪᒃᑯᓂᖓ ᐃᓕᓴᕆᔭᐅᓂᖏᓐᓂᒃ ᐊᒻᒪᓗ ᐊᑐᑦᑕᐅᓂᔅᓴᐅᓕᓂᖏᓐᓂᒃ ᐃᓄᐃᑦ ᐅᖃᓪᓚᒍᓯᖏᑕ, ᐱᓕᕆᐊᖃᓪᓗᐊᑕᓪᓗᓂ ᐊᑑᑎᖃᓂᑉᐹᓂᒃ ᒪᓕᒐᑦᑎᒍ ᐋᖅᑭᔅᓱᔅᓯᒪᕕᒋᔭᐅᔪᓂᒃ ᓱᓪᓗ ᐃᓕᓴᕆᔭᐅᓯᒪᔪᑦ ᐅᖃᓪᓚᒍᓯᑦ ᒪᓕᒐᐅᑉ ᐊᒻᒪᓗ ᐃᓄᐃᑦ ᐅᖃᓚᒍᓯᖓᑕ ᓴᐳᒻᒥᔭᐅᓂᖓᓄᑦ ᒪᓕᒐᖅ. ᐃᓕᓴᒍᑎ ᖃᐅᔨᒐᓱᐋᔅᓯᒻᒪᑦ ᐱᓕᕆᐊᕆᔭᐅᒐᓱᒋᐋᖃᓂᖏᓐᓂᒃ ᓲᕐᓗ ᒪᑯᓇᓂ ᐊᑐᑦᑕᐅᓂᔅᓴᐅᓕᓐᓂᖓᓂᒃ ᖃᓪᓗᓈᑎᑐᑦ, ᐊᑐᑦᑕᐅᖏᓂᔅᓴᐅᓕᓂᖓᓂᒃ ᐃᓄᒃᑐᑦ ᐊᑐᑦᑕᐅᖃᑦᑕᓂᖓᑕ, ᐊᒻᒪᓗ ᐃᖅᑲᓇᐃᔭᕕᓂ ᐱᓕᕆᒐᓱᐋᓂᑦ ᐃᑲᔪᕈᑎᒋᔭᐅᒐᓱᐋᓂᐋᒻᒪᑕ ᐆᒻᒪᕈᕆᐋᑦᑎᑦᑎᒍᑎᒋᔭᐅᒐᓱᐋᓪᓗᑎᒃ. ᐃᓱᐋᓂ, ᐱᓕᕆᖃᑎᒋᔭᐅᔪᑦ ᑐᑭᓯᐋᑦᑎᐋᓂᔅᓴᐅᓕᓂᐋᒻᒪᑕ ᐱᓕᕆᐋᕆᔭᖏᑦ ᐅᖃᓪᓚᒍᓯᖏᑦ ᐊᐅᓚᑦᑎᓂᐅᑉ, ᓄᓇᓕᐅᑉ ᖃᓄᐃᖏᑦᑎᐊᓂᖓᓂ, ᐊᒻᒪᓗ ᑭᓇᐅᓂᒻᒥ, ᐊᒻᒪᓗ ᓴᖅᑭᑎᑦᑎᓗᓂ ᖃᓄᖅ ᐊᑐᑦᑕᐅᓂᔅᓴᐅᓕᑦᑎᑦᑎᕕᔅᓴᐅᒻᒪᖔᑦ ᐃᓄᒃᑐᑦ ᐃᖅᑲᓇᐃᔭᕕᒋᔮᖏᓐᓂ.
ᐃᓕᓴᒐᔅᓴᖅ 5: ᐃᒥᐋᓗᒃ ᐊᑐᑦᑕᐅᖃᑦᑕᓂᖓ ᐊᒻᒪᓗ ᓄᓇᓕᐅᑉ ᖃᓄᐃᖏᑦᑎᐊᓂᖓ ᓄᓇᕗᒻᒥ
ᐱᕕᖃᑦᑎᑦᑎᒻᒪᑦ ᐱᓕᕆᖃᑎᒋᔭᐅᔪᑦ ᕿᒥᕐᕈᒍᓇᑦᑎᑕᐅᓗᑎᒃ ᐱᔭᕆᐋᑐᔫᓂᖏᓐᓂᒃ ᐊᑐᑦᑕᐅᖃᑦᑕᓂᖏᓐᓂᒃ ᐃᒥᐋᓗᑉ ᐊᒻᒪᓗ ᐊᑦᑐᐃᓂᖏᓐᓂᒃ ᓄᓇᓕᒻᒥ ᐋᓂᐊᖃᖏᓂᖏᓐᓂᒃ ᐊᒻᒪᓗ ᐊᑦᑕᓇᑦᑐᖃᖏᓐᓂᒻᒥᒃ. ᑖᓐᓇ ᐃᓕᓴᒐᔅᓱᖅ ᐱᔭᐅᑎᑦᑎᓂᐋᒻᒪᑦ ᑐᑭᓯᐊᑦᑎᐊᓂᐅᔪᓂᒃ ᐃᓅᖃᑎᒌᓂᒃ ᐊᒻᒪᓗ ᐃᓕᖅᑯᓯᒻᒥᒃ ᐊᑦᑐᐃᓂᖏᓐᓂᒃ ᐃᒥᐋᓗᑉ, ᐱᓕᕆᒍᑎᔅᓴᖃᓕᑦᑎᑕᐅᓗᑎᒃ ᓄᑖᓂᒃ ᒪᓕᒐᑦᑎᒍ ᐃᖅᑲᓇᐃᔭᑦᑎᓚᕆᑦ ᐱᓕᕆᒋᐊᕈᑎᔅᓴᖃᓕᓪᓗᑎᒃ ᐊᑐᑦᑕᐅᓂᔅᓴᐅᓕᑦᑎᑦᑎᓂᒻᒥᒃ ᑲᒪᑦᑎᐊᓪᓗᓂ ᐊᑐᖃᑦᑕᓂᒻᒥᒃ ᐊᒻᒪᓗ ᐋᓐᓂᑦᑕᐅᓂᒻᒥᒃ ᒥᑭᓂᔅᓴᐅᓕᑦᑎᑦᑎᓗᓂ ᓄᓇᓕᓐᓂᒃ.
ᐃᓕᓴᒐᔅᓴᖅ 6: ᑭᖑᕚᕆᓐᓄᑦ ᖁᐋᖅᓲᖅᓯᒪᓂᕆᔭᐅᔪᖅ
ᖃᐅᔨᓇᓱᐋᔅᓯᒻᒪᑦ ᖃᓄᐃᓘᓂᕆᔭᐅᖃᑦᑕᓚᐅᑦᑐᓂᒃ ᐊᒻᒪᓗ ᑲᔪᓯᓂᖏᓐᓂᒃ ᐊᑦᑐᐃᓂᖏᓐᓂᒃ ᐃᓄᐃ ᓄᓇᓕᖏᓐᓂᒃ, ᐱᓕᕆᐊᖃᓪᓗᐊᑕᓪᓗᓂ ᖃᓄᖅ ᐊᑑᑎᖃᓂᑉᐹᑦ ᐱᓕᕆᓂᕆᔭᐅᖃᑦᑕᓚᐅᑦᑐᑦ ᖃᓄᐃᓘᕈᑎᒋᔭᐅᓪᓗᑎᒃ ᐱᒋᐊᑦᑎᑦᑎᓯᒪᒻᒪᑕ ᑭᖑᕚᕆᑦ ᖁᐋᔅᓵᔅᓯᒪᓂᖏᓐᓂ. ᐱᓕᕆᖃᑎᒋᔭᐅᔪᑦ ᖃᐅᔨᒐᓱᐋᓂᐊᒻᒪᑕ ᐊᑦᑐᐃᓂᖏᓐᓂᒃ ᖃᓪᓗᓈᑦ ᐊᑐᐋᒐᖏᑕ ᓲᕐᓗ ᓅᑎᑕᐅᑎᓪᓗᒋᑦ, ᐃᓕᓂᐊᕆᐊᑦᑎᑕᐅᑎᓪᓗᒋᑦ, ᐊᒻᒪᓗ ᐱᔨᕆᖃᑎᖃᑦᑎᓪᓗᒋᑦ ᐸᓖᓯᒃᑯᓂᒃ, ᐃᓄᐃᑦ ᐃᓕᖅᑯᓯᖏᓐᓂ ᐊᒻᒪᓗ ᐃᓅᓂᖏᓐᓂᒃ. ᐃᓱᓕᓂᖓᓂ ᑖᔅᓱᒪ ᐃᓕᓴᒐᔅᓴᐅᑉ, ᐱᓕᕆᖃᑎᒋᔭᐅᔪᑦ ᐊᖏᓂᔅᓴᒥᒃ ᑐᑭᓯᐋᓂᖃᓕᓂᐋᒻᒪᑕ ᐊᑯᓂᐋᓗᒃ ᐊᑦᑐᐃᓯᒪᓂᖏᓂᒃ ᐊᑐᐋᒐᐃᑦ ᑕᐃᒃᑯᐊ ᐱᒋᐊᑦᑎᑦᑎᓯᒪᔪᑦ ᐊᑯᓂᐋᓗᒃ ᐊᑦᑐᐄᓯᒪᔪᓂᒃ ᖁᐋᔅᓵᓗᐋᔅᓯᒪᒍᑎᒋᔭᐅᔪᓂᒃ.
ᐃᓕᓴᒐᔅᓴᖅ 7: ᓴᐃᒪᖃᑎᒌᓂᖅ: ᐊᑐᑦᑕᐅᓲᖅ ᓯᕗᒧᐋᓂᖅ
ᖃᐅᔨᒐᓱᐋᓲᖑᒻᒪᑦ ᐃᓗᐋᓄᑦ ᒪᒥᓴᕈᑎᒋᔭᐅᙱᓐᓇᓲᒧᑦ ᐊᒻᒪᓗ ᐋᖅᑭᖃᑎᒌᓂᒻᒥᒃ ᐱᓕᕆᒍᑎᒋᔭᐅᒐᓱᐋᑦᑐᓂᒃ ᐃᓗᐊᓂ ᐃᓄᐃᑦ ᓄᓇᓕᖏᑕ, ᐋᖅᑭᔅᓯᒪᕕᓕᑦᑕᐅᓪᓗᓂ ᖃᐅᔨᔭᐅᔪᓂᒃ ᕿᑭᖅᑕᓂ ᓱᓕᔪᒥᒃ ᐱᓕᕆᔨᒋᔭᐅᒍᓐᓇᑦᑑᑉ ᐊᑐᓕᖁᔭᖏᓐᓂᒃ ᐱᔭᕇᔅᓯᒍᑎᓂ ᐅᓂᒃᑳᓕᐊᕆᓯᒪᔪᓂᒃ. ᐱᓕᕆᖃᑎᒋᔭᐅᔪᑦ ᖃᐅᔨᓇᓱᐋᓂᐊᕐᒪᑕ ᑭᓇᐅᓂᖏᓐᓂᒃ ᐃᓄᐃᑦ ᑕᓱᐃᒐᓱᐋᓕᑦᑎᓪᓗᒋᑦ ᐊᒻᒪᓗ ᐆᒻᒪᕈᕆᐊᑦᑎᑦᑎᑎᓪᓗᒋᑦ ᐃᓕᖅᑯᓯᒻᒥᓐᓂᒃ ᑭᖑᕐᖑᑎᓯᒪᔭᖏᓐᓂᒃ ᐱᓕᕆᐊᕆᔭᐅᒐᓱᐋᓪᓗᑎᒃ ᐊᑦᑐᐃᓂᕆᔭᐅᓯᒪᔪᑦ ᐊᐅᓚᑦᑎᖔᕈᒪᔪᓂᒃ, ᐱᓕᕆᐊᖃᓪᓗᐋᑕᕋᓱᐋᓪᓗᑎᒃ ᐅᖃᓪᓚᒍᓯᒻᒥᒃ ᐆᒻᒪᕈᕆᐊᖅᑎᑦᑎᓂᕐᒥᑦ, ᐃᓕᖅᑯᓯᕐᒥᒃ ᓇᖅᑭᑦᑎᑦᑎᒐᓱᐋᓗᑎᒃ, ᐊᒻᒪᓗ ᓄᓇᓕᒻᒨᖓᔪᓂᒃ ᒪᒥᓴᓂᒻᒥᒃ ᐱᓕᕆᔾᔪᑎᖃᓪᓗᑎᒃ. ᐃᓕᓴᒐᔅᓴᖅ ᖃᐅᔨᓇᓱᐋᔅᓯᒻᒪᑦ ᐊᑑᑎᖃᓂᑉᐹᓂᒃ ᐋᖅᑭᔅᓯᒪᓂᐆᔪᓂᒃ ᓲᕐᓗ ᒪᑯᓂᖓ ᓇᓗᓇᐃᔅᓯᓂᒻᒥᒃ ᑕᐃᔅᓱᒪᓂᐅᓚᐅᑦᑐᖅ ᑕᒪᓂᕆᔭᐅᕙᓚᐅᑦᑐᓂᒃ, ᓴᙱᓂᔅᓴᐅᓕᑦᑎᑕᐅᓗᓂ ᐃᓄᐃᑦ ᐊᐅᓚᑦᑎᓂᖓ, ᐊᒻᒪᓗ ᓴᖅᑭᑎᑦᑎᓗᓂ ᖃᓄᐄᓪᓗᒍᑎᖃᖏᑦᑐᒥᒃ, ᐱᓂᓗᑦᑕᐅᑦᑕᐃᓕᒪᒍᓐᓇᓂᖏᓐᓂᒃ ᓄᓇᓖᑦ. ᐃᓱᓕᑎᓪᓗᒍ, ᐱᓕᕆᖃᑎᒋᔭᐅᔪᑦ ᐊᔪᖏᓂᑦᑖᓂᐊᒻᒪᑕ ᐊᑑᑎᖃᑦᑎᐊᑦᑐᐋᓗᓂᒃ ᖃᐅᔨᒪᓂᐅᔪᓂᒃ ᐃᑲᔪᕈᑎᒋᔭᐅᓂᐊᑦᑐᓂᒃ ᐃᓄᐃᑦ ᓄᓇᓕᖏᓐᓂ ᑎᑭᐅᑎᕙᓪᓕᐋᑎᓪᓗᒋᑦ ᑐᕌᑦᑕᖏᓐᓄᑦ ᐱᔪᓐᓇᓂᑦᑖᓂᐅᔪᓄᑦ ᐊᒻᒪᓗ ᐆᒻᒪᕈᕆᐊᑦᑎᑕᐅᓂᖏᓄᑦ.
ᐃᓱᓕᓂᖓᓂ ᑖᔅᓱᒪ ᐃᓕᓴᓂᐅᔫᑉ,
